The Cool Cousins Cafe & Noodle Bar

营业中

休息中

Item: The Cool Cousins Cafe & Noodle Bar
Rating: 3
Author: Shinchan1993

235 食记

味道

环境

服务

卫生

抵食

17483

观塘

$51-100

泰国菜美国菜粉面/米线汉堡包

170

Shinchan1993

等级4

1.2K

去亲观塘食嘢都无咁顺利，想食𠮶间竟然东主有喜唔开，上网又无讲，搞到霎时之间唔知食乜好。由于接近四点我朋友都未食第一餐，我都唔好意思再挑三拣四🙈，所以去咗骆驼漆其中一间我一直都有兴趣想试嘅餐厅「The Cool Cousins Cafe & Noodle Bar」。餐厅面积唔大，一眼睇哂，座位有啲迫，但未算坐得太唔舒服，而且每枱都放有隔板，咁就同其他食客有些少距离。呢度仲有两幅好得意😎嘅卡通改图。香煎法式油封鸭脾·金边粉·冬荫茄汤($76)，🍜其实菜名已经讲哂呢碗粉有嘅嘢，各样食物嘅味道唔错，但成个组合又好似唔多搭调。🍗先讲鸭脾，鸭几厚肉，肉质都嫩，但调味较为清淡。同时，一上枱嘅时候鸭脾经已无乜煎香嘅感觉，更何况唔系分汤上，摆耐咗块鸭皮直头淋哂。冬荫茄汤色泽深红，未饮仲以为好辣🌶，但实际上连BB辣都不如，香味亦欠奉。因为茄味先系主角，佢有蕃茄嘅酸味🍅，但就并非冬荫功𠮶只鱼露酸辣。如果追求泰式好重味嘅，可能会有啲失望。面底系指定咗嘅金边粉，同汤底几夹，而且亦无碎湿湿。另外，汤面附有脆炸猪皮同秋葵粒，前者为呢道菜加返啲分。招牌72小时安格斯牛小排汉堡(配薯条+沙律)($119)，汉堡包系呢度

75 浏览

0 赞好

0 留言

去亲观塘食嘢都无咁顺利，想食𠮶间竟然东主有喜唔开，上网又无讲，搞到霎时之间唔知食乜好。由于接近四点我朋友都未食第一餐，我都唔好意思再挑三拣四🙈，所以去咗骆驼漆其中一间我一直都有兴趣想试嘅餐厅「The Cool Cousins Cafe & Noodle Bar」。

209 浏览

0 赞好

0 留言

餐厅面积唔大，一眼睇哂，座位有啲迫，但未算坐得太唔舒服，而且每枱都放有隔板，咁就同其他食客有些少距离。呢度仲有两幅好得意😎嘅卡通改图。

香煎法式油封鸭脾·金边粉·冬荫茄汤($76)，🍜其实菜名已经讲哂呢碗粉有嘅嘢，各样食物嘅味道唔错，但成个组合又好似唔多搭调。🍗先讲鸭脾，鸭几厚肉，肉质都嫩，但调味较为清淡。同时，一上枱嘅时候鸭脾经已无乜煎香嘅感觉，更何况唔系分汤上，摆耐咗块鸭皮直头淋哂。

冬荫茄汤色泽深红，未饮仲以为好辣🌶，但实际上连BB辣都不如，香味亦欠奉。因为茄味先系主角，佢有蕃茄嘅酸味🍅，但就并非冬荫功𠮶只鱼露酸辣。如果追求泰式好重味嘅，可能会有啲失望。面底系指定咗嘅金边粉，同汤底几夹，而且亦无碎湿湿。另外，汤面附有脆炸猪皮同秋葵粒，前者为呢道菜加返啲分。

招牌72小时安格斯牛小排汉堡(配薯条+沙律)($119)，汉堡包系呢度嘅主打菜式🍔，有成十款选择，但定价都几贵，最平𠮶款索价$90。不过好在配埋薯条🍟同沙律🥗，感觉完整啲(虽然味道就无乜特别)。

呢款汉堡包嘅材料包括慢煮美国安格斯牛小排、自制烟熏BBQ酱汁、手工芝士酱、焦糖洋葱、烤菇、羽衣甘蓝同墨西哥辣椒。Burger个样几吸引😍，但为咗营造澎湃嘅效果，佢系叠到东歪西倒，叠返整齐后就发现个包唔算好大个😧。除咗牛肉以外，其他配料都几好味，特别系焦糖洋葱同墨西哥辣椒，甜味辣味并存。只可惜所谓嘅「牛小排🥩」似牛腩多啲😑，用嚟做汉堡包嘅馅可算系九唔搭八；我认为用返免治肉或者真牛扒会好好多。BBQ酱无问题，但觉得会同手撕猪肉夹啲，配牛腩唔知点解会令我联想起叉烧包。

紫薯网丝春卷($18)，春卷出奇地几有惊喜，虽然可能都系入货。本身觉得春卷炸到好㶶，唔系越南网丝𠮶种，但食落都够酥脆。最特别系中间嘅紫薯蓉馅🍠，口感细锦，甜甜香香，份量适中，整体几好食。

清新柠檬批(单点$46/套餐加配$34)，我奉劝大家唔好睇餐枱上个甜品餐牌，因为唔系每日都有晒咁多种，如果想食最好问返店员。幸好呢日𠮶两款甜品之中有我想食嘅柠檬批🍋，件批比想像中大好多！不过味道有点强差人意，可能唔啱我口味吧。批边松散唔够脆，柠檬馅质感过于软身，无应该要有嘅酸味，似食紧嘉顿瑞士卷，我同朋友讲咗句：唯一可取之处就系够大件啰😅。