影片
更多
2011-12-29
371 浏览
前日(27-12-2011 Tue)同男友去粉岭游乐场睇北区花卉动物展,去到粉岭,男友话去食o野先,OK,就同佢行o黎金刚小仪介绍过o既呢间,o黎到o岩o岩系lunch time,门外企o左好多人,我问亚姐系咪攞飞等位佢答唔使,入o黎自己揾位坐.啊.男友好快等到两个位,好彩我等位o既时候都睇定我想食o既三样o野,坐低后即落单要细净牛丸,细猪手面同炸卷.亚姐话炸卷要等15分钟,冇问题吖,特登o黎到就系要食佢.好快,头两样o野到o黎,我先试牛丸,系有牛肉味,但唔太弹牙,冇坊间讲得咁好食,不过味道好清.而猪手呢焖得好腍好够味,够味o既意思系冇味精,真真正正只系猪手o既原味,好香,唔觉得肥,几好食.食完o紧呢两样o野时,有位亚姐同同事讲,炸卷要等半个钟,好彩我o地一早叫啫.食完后等多阵终于到喇,未到前我同男友讲系咩o黎,佢话咪即系佢姑妈成日炸o既乡下美食,不过系卷猪肉.呢个跟喼汁同上,食吓先,唔…食到牛肉膻味,但炸到干晒,影响口感,近腐皮位更黑色㶶o左啲,男友话都系佢姑妈o个只好食,因为有啲肥肉.而男友就大赞辣椒油,话系辣但又唔系死辣,我试吓,食到有蒜头味,男友问系咪自制有冇得卖我o地唔敢问.
男友好快等到两个位,好彩我等位o既时候都睇定我想食o既三样o野,坐低后即落单要细净牛丸,细猪手面同炸卷.亚姐话炸卷要等15分钟,冇问题吖,特登o黎到就系要食佢.
好快,头两样o野到o黎,我先试牛丸,
系有牛肉味,但唔太弹牙,冇坊间讲得咁好食,不过味道好清.
而猪手呢焖得好腍好够味,够味o既意思系冇味精,真真正正只系猪手o既原味,好香,唔觉得肥,几好食.食完o紧呢两样o野时,有位亚姐同同事讲,炸卷要等半个钟,好彩我o地一早叫啫.食完后等多阵终于到喇,未到前我同男友讲系咩o黎,佢话咪即系佢姑妈成日炸o既乡下美食,不过系卷猪肉.
呢个跟喼汁同上,食吓先,唔…食到牛肉膻味,但炸到干晒,影响口感,近腐皮位更黑色㶶o左啲,男友话都系佢姑妈o个只好食,因为有啲肥肉.而男友就大赞辣椒油,话系辣但又唔系死辣,我试吓,食到有蒜头味,男友问系咪自制有冇得卖我o地唔敢问.
服务:
虽然人客真系好多,但亚姐啲服务态度真系唔差,抵赞.
卫生:
太多人喇,地下有啲黐黐笠笠.
味道系3.5分,因为胜在冇味精.
张贴
