香港老飯店

营业中

休息中

作为上海菜嘅超级粉丝，基本上每个月都会食上海菜，今次就试吓新野，本来都冇乜期望，好彩都冇令我失望。呢度嘅环境似系旧式酒楼，服务亦算唔错，全部都系老一辈嘅员工，而厨房亦十分有效率，点菜后15分钟已经上得七七八八，真系要立即叫停佢，因为啲嘢食会冻得好快。最令我惊喜嘅就系呢个熏蛋，系我每次食上海菜都会必点嘅菜式。熏蛋嘅烟熏味好重，好香，蛋黄流心，睇见都忍唔住一啖摆落口食咗佢！熏鱼就正常，但系估唔到咁大碟。海蜇头就麻麻哋，味道太淡啦，唔够咸，要自己再加盐。红烧肉都不错，一碟入面有啲肥啲有啲瘦啲，适合同枱吃饭不同人的喜好，但个人认为唔够肥。小笼包皮薄多汁，味道刚好。但赛螃蟹就普通了，味道淡之余，冇乜蟹肉，基本上全部都系蛋白。杨州炒饭太过咸，刚好可以要来同淡味慨赛螃蟹一齐食。最后有我最爱嘅甜品高力豆沙包，食嘅时候热辣辣又松软，每一啖都沾满砂糖，以作为呢一餐饭嘅完结。