好滾得 (已結業)

所谓的鸡翼「放题」， 1小时限定，自己决定去唔去食（1）每日8款鸡翼，一坐底就每人每样一只，俾足8只你，呢8款你想唔想食都要食左佢（2）上菜慢，坐底起码10分钟先有野食（3）全部人未食哂唔俾再order , order的话佢会叫你食多阵先（4）当你食哂𠮶8只无得㨂既鸡翼之后，想加鸡翼时佢会以不礼貌语气叫你一定要食哂啲饭同菜，系讲紧你自己另外俾10蚊加既饭同菜（并非任食），亦并唔系啲所谓任食既鸡翼。就连饭菜食唔哂都要俾198蚊（落单时无讲，但喺墙上有A4纸用细字写浪费食物要俾$198），合唔合理自行决定（5）食物质素：不过不失，唔系好食，但唔可以话难食，属于偏细只既鸡翼佢打正旗号话系鸡翼放题，而放题俾人既期望系自选、自由添加食物，但实际俾客人既感觉佢唔想太想帮你加单，不自由（头8只巳经无得㨂）。可能系某两个伙记问题，但总括食物质素、价钱、经验，我就唔会再食。试唔试大家请自行判断。