吉野家

营业中

休息中

今日黎到大围站附近，行来行去都谂唔到食咩好，突然见到吉野家，谂起有优惠卷未用，就行左去吉野家，一上到去见到超多人排队，心谂呢度平时系唔系都咁多人食。等左15分钟，差唔多排到落单既时候，原来吉野家推出左一个3点3下午茶套餐，我都唔执输地跟人地叫左个黎食。我见到其他人叫迷你和风牛肉饭既饭碗系超细，唔似平时下午茶叫开果只Size，所以我点左一个迷你猪骨浓汤乌冬配司华力肠，饮冻奶茶，冻奶茶要加两蚊。呢度既落单姐姐好细心，佢提我叫乌冬系无肉，只有乌冬，可能好多人都误会左终于可以坐低用餐，乌冬份量好少，同埋汤底好重味精味，但豆腐超好食，而司华力肠味道还可以啦，但成个餐先$22，仲可以坐系餐厅度食，抵食度超高。