糖心軒

营业中

休息中

上环ibis 二楼有新酒楼开张, 有八五折优惠, 星期六晏昼同屋企人去做白老鼠。星期六都提供午市套餐,呢个"生意伙伴"四人套餐 有汤翅, 自选3款点心, 前菜, 小炒, 菜心, 仲有饭或面加糖水。唔驶烦, 就试呢个套餐。鸡汤金钱翅: 极足料, 翅粗大, 汤清甜 !前菜二拣一, 黑蒜陈醋花胶: 分量不少, 第一次试呢个做法的花胶,几特别。有陈醋的酸甜开胃, 有花胶的口感, 不错!美极牛仔柳: 水准ok, 牛柳足料主食 二拣一,鲜虾荷叶饭: 一打开, 哇, 大量虾, 饭有荷叶飘香, 好食还有鲍汁菜心同3个自选点心, 其中烧卖点心竟然系有六粒ga, 仲要粒粒多虾, 正结尾还有蕃薯糖水或红豆沙, 我拣左蕃薯, 虽然好饱,但系都好食到食哂。