影片
更多
2015-04-15
2645 浏览
星期五晚同两个同事赶工赶到8点几，搞掂晒当然嗱嗱声一齐食饭啦！公司附近选择唔多，见有间新开嘅中菜门面几靓仔，就入去试下。用得外滩嚟做名，似乎系对自己嘅上海菜有返咁上下信心，咁我就叫咗d我心目中嘅考牌菜试下佢哋水准。第一个，马兰头百叶卷。呢味菜，大部分上海菜馆都有，但大部分都唔好食！通常衰两范，一：马兰头太干，二：百叶粗糙冇味。呢度嘅马兰头，你从相都睇得到，湿润嘅。但系咪湿就一定好食？又唔一定系㗎㖞，有时d人落其他调味汁酱，就会盖过咗马兰头𠮶朕特别嘅草青味，又或者马兰头根本唔新鲜唔香，就特登加d汁呀油呀遮住佢。外滩拾号呢个，keep到朕味，抵赞。百叶爽嘅，豆味ok啦，整体都系好食嘅，赢过唔少铺头。第二个，醉鸡。喂，唔使我讲都知呢味嘢几难整得好食啦！其实佢有醉鸽添嘅，不过鸽呢比较容易整得好食，鸡会见到真章多d。老实讲七十几蚊嘅鸡就唔好expect有鲜鸡味，不过佢算整得滑，d骨又唔会出晒血水咁。酒香唔差，酒味入到鸡肉之余冇咩苦味，似乎喺调校个花雕方面都有花过小心思。如果用d再靓d嘅酒，真系卖贵d都唔惊冇人叫。第三个，红烧狮子头。佢又系有个蟹粉version嘅，我又系冇叫，我估你知点解啦。佢个
用得外滩嚟做名，似乎系对自己嘅上海菜有返咁上下信心，咁我就叫咗d我心目中嘅考牌菜试下佢哋水准。第一个，马兰头百叶卷。呢味菜，大部分上海菜馆都有，但大部分都唔好食！通常衰两范，一：马兰头太干，二：百叶粗糙冇味。呢度嘅马兰头，你从相都睇得到，湿润嘅。但系咪湿就一定好食？又唔一定系㗎㖞，有时d人落其他调味汁酱，就会盖过咗马兰头𠮶朕特别嘅草青味，又或者马兰头根本唔新鲜唔香，就特登加d汁呀油呀遮住佢。外滩拾号呢个，keep到朕味，抵赞。百叶爽嘅，豆味ok啦，整体都系好食嘅，赢过唔少铺头。
第二个，醉鸡。喂，唔使我讲都知呢味嘢几难整得好食啦！其实佢有醉鸽添嘅，不过鸽呢比较容易整得好食，鸡会见到真章多d。老实讲七十几蚊嘅鸡就唔好expect有鲜鸡味，不过佢算整得滑，d骨又唔会出晒血水咁。酒香唔差，酒味入到鸡肉之余冇咩苦味，似乎喺调校个花雕方面都有花过小心思。如果用d再靓d嘅酒，真系卖贵d都唔惊冇人叫。
第三个，红烧狮子头。佢又系有个蟹粉version嘅，我又系冇叫，我估你知点解啦。佢个狮子头，普通啦。佢行新派路线，少油，少肥，唔系我最钟意嘅煮法，但绝对唔难食嘅，钟意瘦d嘅人应该喜欢呢个多d。最后，叫咗个阳澄湖海鲜汤，呢个唔系考牌菜，纯粹因为见好多枱叫又跟下风。有虾有蟹有鱼，足料，系冇咩可能难饮嘅。佢属于浓味嘅汤，我觉得捞饭都几好㖞。
食物唔错，价钱唔算贵嘅，而且环境几舒服，唔局促，绝对适合同同事辛苦完食个casual dinner，所以我认为系encore-able嘅。
题外话/补充资料：
服务好！
(以上食记乃用户个人意见 , 并不代表OpenRice之观点。)
张贴
