麵水拉麵 (已結業)

琴日同男朋友行开铜锣湾, 经过呢间面水, 醒起上个礼拜有friend 试过话唔错, 就入去试吓. 其实初头有少少惊中伏, 始终近来真系开咗好多拉面店呀沾面店呀, 但系好多都系gimmick, 唔系真系咁好食. 今次试面水算系几好!入到去感觉唔错, 侍应哥哥好有耐性咁介绍. 有叉烧同埋猪软骨两种选择, 汤底就有浓味同埋淡味拣. 面都有硬身, 中等硬, 同埋软身. 我比较钟意拉面店有呢个option, 因为我一向都偏好硬身o嘅面, 但系男友就拣软身o嘅.最大惊喜系猪软骨. 好入味, 肉质软糯但系软骨位置又好爽脆! 十级推荐. 面条挂汤力唔错, 亦系我钟意o嘅硬身带 d 弹牙o嘅质感.男友拣咗叉烧, 试咗我旧猪软骨之后话猪软骨好味d, 因为佢觉得块叉烧唔够肥. 我话, “系呀, 肯定唔够你个肚腩肥啰” 总括嚟讲都好满意! 尤其系有时想食拉面又唔想太肥腻, 嚟呢度可以拣淡味汤底.只溏心蛋我就觉得淡咗少少, 不过个个人口味唔同啦 ^^