吉祥冰室 (已結業)

见有人介绍过朗屏呢边开左新餐厅，装修仲几靓下，咁横掂今日要过黎呢边，顺便黎试下先。下午茶时段黎到，全场满坐，店员话可以上楼上，几好吖，好够冷气又有电视睇。点左杯红豆奶茶，个杯印左餐厅名几靓仔。奶茶香滑好饮，红豆个人觉得唔够甜，因为现代人普遍钟意微糖？本来想叫干炒牛河，见餐牌有个特别推介嘅避风塘干炒牛河，咁得意又试下啦。大大碟牛河上加了香蒜辣椒碎等，卖相几靓。牛肉软嫩份量多，仲有唔少洋葱同芽菜。河粉炒得香口色泽均衡，加上蒜香同辣椒好惹味，唯一唔好处就系会黐牙，哈哈，呢个创新食法几好呀～价钱唔贵份量足，加上味道唔错，有下次。