臻煌海鮮城 (裝修中)

今次试呢间新开业酒楼，前身都系酒楼，所以装修同之前一样无变，由于可能新开业，客人并不算多，相对唔嘈吵比较宁静，都几舒服，菜式放面多元化，坐低睇咗一阵，就点咗套餐清蒸东星班孖宝，里面有东星班+上汤西澳龙虾伊面，再另外点咗椒盐腰果豆腐粒，等咗一阵，先嚟碟椒盐豆腐粒，浓浓炸蒜食落香口，而上汤龙虾伊面就一般，味道清淡，最后嚟就系条东星班，肉质够嫩滑，食完送红豆沙糖水。整体来讲都可以，份量足，味道不过不失，服务态度都可以。