臻煌海鮮城 (裝修中)

我今早想飲早茶，約左好友去現崇山商場的臻煌海鮮城開位，環境舒適，不用等位。我點左鳳爪排骨飯$16.8，鹹魚肉片飯$16.8，一份早市孖寶（香茜牛肉腸及潮州粉果）$36.8，茗茶每位$8。點心好味又好食。

好差的感覺 和家人食團年飯 叫了一個3888 的套裝 枱比較細 12人 枱 坐11 人 已經好迫 我地6:15 分齊人 叫佢上餸 佢上得超快 第一碟係乳豬 我地夾了兩三件 佢就已經上到第三個菜 之後唔問我地就拎乳豬轉細碟 （我碟乳豬都未食過半） 之後繼續上 冇位放 又想把我其他菜轉細碟 碟野都未食過 我地忍唔住 叫佢停 佢地話好 點知唔洗1分鐘 又上 仲要黎2 碟 真係忍唔住 已經冇位放 碟大枱細 叫佢唔好再上住 佢就煮左出黎 就甘擺起另一張枱到 姐由得佢吹凍 趕客甘 最後6:30分上曬部9 個菜上曬 很差

我今早有事要去辦，趕時間之餘又想飲早茶，最方便就是去位於現崇山商場的臻煌海鮮城啦！我點左2個早茶優惠：西洋菜鹹骨粥$10.8，及鱆魚肉餅飯$14.8；點心要左黑木耳牛肉腸配蕃茄湯鮮竹卷的早市孖寶$38.8。鮮竹卷配蕃茄湯幾好喎，清清地👍！腸粉幼滑，粥飯好食。

老友相約飲早茶，環境要舒適，交通要方便，位於現崇山商場2樓的臻煌海鮮城就是最好的地方。我們點左西洋菜鹹骨粥$13.8，章魚肉餅飯$17.8，早市超值組合的3個組合$125.4。3個組合包括布拉白米腸、山竹牛肉球、粗糧燕麥糕、櫻花蝦潮州粉果、黑木耳牛肉腸及鮮竹鯪魚球。每樣點心都好好味道，好食！整體黎講是值得推介！

我今早專誠來試下臻煌海鮮城的早茶，環境尚算寬敞舒適。我點左臘腸雞粒飯$10.8，三星燒賣$16.8，及超值組合$38.8。超值組合是黑木耳牛肉腸和荷香棉花雞。樣樣點心都是熱辣辣，材料不錯及好味，值得推介。

這家酒樓真是令人失望透頂。我和朋友等了很久，點了食物之後卻一直沒有送來（足個半小時），更糟糕的是沒有人告訴我們有任何延誤或者取消的消息。另一個o咀位，我們見到酒樓最旺的時間可以職工用膳，管理上是不是要調整一下，全場得1-2個待應，門口塞滿人等位，食客自己入黎問d 人走未，出去自己mark 檯！一直等到快1小時，點心終於到，味道平庸，完全不值得等待這麼長時間。蝦餃上檯，d皮全爛，d籠衛生情況也要注意下！此外，酒樓的服務也是一塌糊塗。沒有人提及點心紙上食物要到十一點才可下單，我十點到落的order ,佢全同我棄單。這種缺乏專業態度和溝通的態度真是讓人無法接受。我當日見，檯檯都追食物，因員工用膳，客人自己去點心車尋找食物，完全沒人理！埋單都要等，成埋餓住既客趕埋單轉場，仲要等經理排隊取消點心，未試過飲茶餓住走！如果你想要一個愉快的用餐體驗，我強烈建議你避免這家酒樓！！

第一次去，中式點心其實都係果D，都係小孖寶，及一籠共有4個不同的鹹甜點心（燒賣、包、粉果、椰汁糕），非常適合食量長者，另外，味道Okay 之餘，賣相都唔差，特別驚喜係「日式腐皮卷」，值得一試。

過往都知經常漏單，但今次真係頂佢唔順，叫完野食半個鐘都冇野黎，隔離枱遲黎遲叫啲野食都到，追單啦，等over 5分鐘先check倒原來成張單冇落到，阿姐姐埋黎仲要唔係唔好意思，係問我頭先叫邊個入單，我真係想問我係咪叫人入單要影低個侍應個樣？！不知所謂

首次試食，已覺得味道不錯，所以5月初再次和家人來晚飯！鮮菠蘿咕嚕肉：是小朋友喜歡的菜式！它的脆皮不會很厚粉漿，薄脆度一直保持著，酸甜味適中。冰梅欖角骨：味道很特別！大大件的。不錯！蒜片牛柳粒：第一次食時，一口牛柳粒，份量都多，所以即時叫多一碟，吃得佷滿足！但今次無論大細或份量，都明顯比上次小！有少少失望！柚子蝦球：蝦肉都大件，配上柚子醬很清甜！海味雜菜煲：夠味！份量都多！間中海味有丁點兒硬！甜品：除了奉送一般的糖水，還可以改吃細裝蓮花杯雪糕，小朋友最開心！服務態度熱誠！環境整潔！惟近角位餐枱冷氣不夠，有待改善！

母親節當晚我們到臻煌海鮮城慶祝，位於黃大仙睦鄰街8號現崇山商場2樓1號舖。 酒樓裏面樓底偏低， 感覺都幾逼夾。御前四小碟( 青瓜海蜇花、 爽脆魚皮、 椒鹽豆腐粒、 燒汁牛柳粒) 、彩虹崧子有米豬、 上湯焗美國龍蝦煎米底、 足料燉靚湯、 鹽燒十頭大連鮮鮑魚、 清蒸大海金花尾斑、 紫薯淮山浸莧菜、 紅寶石荷葉蒸清遠雞、精緻甜品。 ▫️御前四小碟( 青瓜海蜇花、 爽脆魚皮、 椒鹽豆腐粒、 燒汁牛柳粒) ～ 青瓜海蜇花和爽脆魚皮對比起椒鹽豆腐粒和燒汁牛柳粒好細碟， 味道屬於普通。▫️彩虹崧子有米豬 ～ 乳豬皮好硬， 最緊要係飯有酸宿味😖， 然後佢哋有員工過嚟解釋話係化學作用🤣， 其實我哋都唔係第一次食有米豬，食過好多間都冇試過有呢個化學作用😆，後來酒樓換了另一隻乳豬給我們。 ▫️上湯焗美國龍蝦煎米底 ～ 龍蝦鮮甜彈牙，煎米底口感麻麻地。 ▫️足料燉靚湯 ～ 燉湯足料， 味道清甜。 ▫️鹽燒十頭大連鮮鮑魚 ～ 鹽燒鮑魚酥香， 一碟有18隻。 ▫️清蒸大海金花尾斑 ～ 蒸得太耐， 肉質又實又硬。 ▫️紫薯淮山浸莧菜 ～ 莧菜口感好鞋口😅， 平時好鍾意食莧菜，點解可以整得咁唔好食😑？ ▫️紅寶石荷葉蒸清遠雞 ～ 清

新年2月中左右見呢間中菜廳新開的，試左一次有米燒乳豬餐一圍，啲份量好多，味道唔錯不過上菜慢左啲，而且冇乜冷氣極焗今次家庭又聚會，首選呢間。今次冇預訂到，就散客order,價錢合理，份量好足夠，10個人叫左10道菜，另加幾碗白飯，清晒，勁飽。今次上菜極度快，可能早到呀當晚，不過冷氣方面依然係唔得，希望老闆改善一下！員工都好好，每位晚飯客人呢期仲請食雪糕一杯👍🏻👍🏻今次去明顯係座無虛席比起初初開張，依家好熱鬧。 如果啲枱可以大張啲會好啲！上次14人 包房都好迫，今次10人枱，又係張張一樣甘細張。都明白嘅香港地😅😅現崇山，泊車方面，又多酒樓選擇，呢間會再encore 🫶🏻

今次試呢間新開業酒樓，前身都係酒樓，所以裝修同之前一樣無變，由於可能新開業，客人並不算多，相對唔嘈吵比較寧靜，都幾舒服，菜式放面多元化，坐低睇咗一陣，就點咗套餐清蒸東星班孖寶，裏面有東星班+上湯西澳龍蝦伊面，再另外點咗椒鹽腰果豆腐粒，等咗一陣，先嚟碟椒鹽豆腐粒，濃濃炸蒜食落香口，而上湯龍蝦伊面就一般，味道清淡，最後嚟就係條東星班，肉質夠嫩滑，食完送紅豆沙糖水。整體來講都可以，份量足，味道不過不失，服務態度都可以。

之前食過下午茶，有過唔好經驗，之後無再嚟，今日（14/3/2023）朋友講，已有改善，故又一試。這商場共有三間酒樓，早上九點七嚟到，居然只有喱間要等位，等咗一陣就有位。早市孖寶推介有多款，但全都要配飯 粉及粥。點了2個孖室菜干旺菜咸骨粥，夠味又多料黑毛豬叉燒腸粉，叉燒都幾厚家鄉銀針粉，睇落白雪雪，重諗住加豉油，但原來好夠味，唔太油紫薯咸水角，幾特別，好食另點了點心拼盤，鰻魚燒賣咸咗D鮮人蔘鬚蝦餃皇2客，每位限一份，相對蒸較好食埋單$180

見有酒樓新開，特登嚟一試。酒樓唔係好大間，環境唔錯，但人流明顯比唔上商場入面另外兩間酒樓。講到嘢食，先講兩碗粉燒腩仔湯河同叉燒湯河，個叉燒幾香，有少少蜜汁味，肉質唔硬；燒腩仔個皮都脆嘅，兩碟份量都偏少。至於個河粉一般，個湯唔似係燒味骨煮出嚟。黑松露野菌餃，幾香菇味，食落有咬口。紫薯蘿蔔鹹水角，形狀同顏色都好特別。食起上嚟都係脆口嘅，個皮有dd紫薯味，唔太油膩。但係可能要就返個形嘅關係，隻鹹水角接近無餡喺入面 3隻無餡嘅鹹水角唔推薦叫濃湯鯪魚球，鯪魚球好細粒，入面有芫荽但無蝦米/果皮。個濃湯都救唔起粒鯪魚球... 都係唔建議叫灌湯餃，個湯幾香。隻餃入面係一大舊肉餡，好實黑蒜排骨蒸腸粉，有好少量黑蒜，排骨無咩蒜味，主要食豉油味。排骨肉質正常無咩雪味，腸粉都正常燒賣，唔係個面擺隻蝦嗰種，食落個餡都似係灌湯餃咁，比較實，不過佢蒸得剛好，上枱都係出煙嘅蟲草花鮮竹卷，上湯鮮竹卷嗰類，味道同餡料同其他酒樓差唔多。相比之下個餡無灌湯餃咁實，重好食d黑毛豬叉燒腸，呢條腸粉個叉燒同上面叉燒湯河個叉燒簡直係兩回事。個叉燒唔知係幾多日前剩落嘅，霉到接近變嘅程度。呢碟係唯一一碟建議完全唔好掂最後講埋壺茶佢係

諗住新開張去試吓飲茶，叫了叉燒米粉，牛肉球、燒賣、馬拉糕，幾乎最穩陣嘅點心水準都好差，叉燒米粉個湯完全冇味，叉燒好似放咗隔夜咁！燒賣啲肉咬落去係一粒粒嘅豬肉😰馬拉糕偏硬！牛肉球算最正常，本身打算去試吓團年晚飯，而家取消咗念頭，飲茶水準都咁差，強差人意！酒樓價錢不便宜，完全同水準不成正比。相比其他現崇山酒樓差好多，下次唔會再去！中途阿姐見到地下有垃圾，執完之後再喺我枱上面收走點心，感覺有點不衛生😰