好煮意

营业中

休息中

之前经过条街，多咗间有药膳醉鸡煲嘅食店，店外贴有糖妹推介嘅相，所以特登入去试吓，心想应该唔差得去边，店内环境卫生系可以嘅，有两层，入到去侍应会问有冇book位，冇book位嘅，就安排地下入座，因为第一次，所以唔知系自助式点菜，坐低左冇人理你，就问个侍应，佢话枱有张纸有code自己点，当晚点左招牌药膳醉鸡汤，第一次要汤同鸡分开点，感觉好新颖，菜系唔包嘅，要另外加。开始点餐啦，点完都好快有得食，不过之前点咗支啤酒，就眼见系水吧开咗好耐都无人攞嚟，人手都几不足。煲入面啲药材唔多，有红枣/杞子得几粒、党参好幼好短、淮山有两片、唔觉有北芪，桂圆肉亦不多，唔明点解药材唔多都可以有甜中带咸嘅浓味道，酒味弱，鸡肉质可以，牛腩一般，手工芫茜猪肉饺比较咸，晚市要加一，但又唔觉有咩服务，试过一次就算！