星味天下 (已結業)

听闻Megabox长期都系人头涌涌，今日终于有机会去见识下喇...行到咁上下，谂住揾个地方落脚食饭，结果就决定左黎呢间。带位既婶婶好奇怪，明明同佢讲左我地系两位，佢话张枱执紧叫我地等阵，但系等等下又见佢叫左另外两个迟过我地黎既人入去...坐低左，叫左海南鸡饭、喇沙同埋串烧。野食好快就拎晒黎，我试左一啖饭，不俗。但系一望碟鸡，噢，好鬼细碟，同埋非常之麻麻，仲唔系好熟添。试左一啖喇沙既汤底，ｏｋ啦，但系啲河粉又似乎麻麻。串烧就令人失望，牛肉咬唔开，鸡肉好鞋...算把啦，咁既价钱，咁既质素，都唔可以要求太高。最搞笑系食到最后几啖既时候，隔离枱问侍应拎两只碗仔，个侍应就无啦啦派埋俾我地...