Running 燒 (已結業)

系第三波疫情啱啱完咗之后，有一次我就去咗佢位于旺角嘅分店度食过一次。果次食完系有惊喜，而且我一定会再食。终于比我等到呢个机会，咁啱呢间餐厅喺将军澳开咗分店，一于去试一试佢嘅分店水准有冇变到。将军澳分店位于坑口地铁站，Popcorn商场入面，就算落雨都唔使惊，同旺角店对比，将军澳店系好方便。将军澳分店地方阔落，同埋落单系电子化，而旺角系传统写纸仔。出面有个好大嘅自助吧，款式比旺角更加多，酱汁，菜类，饮品，甚至乎热食都系以自助形式。我发觉两间分店嘅肉类种类差唔多，但其他方面将军澳分店系比较好。至于野食方面我会推介猪大肠及雪花牛仔肉。烧猪大肠都系第一次，烧完出嚟系脆卜卜，再加埋生菜吸左啲油系最好配搭！至于雪花牛仔肉，佢薄得来唔会好似烧完变柴皮，入口系仲有肉汁！整体来讲将军澳分店冇令到我失望。