影片
更多
2023-02-22
938 浏览
介绍返💁🏻♀️。。🇨🇳 潮州菜 在九龙城 🇨🇳。镕记潮州饭店。九龙城城南道33号地下。卤水拼盘。HKD118凉瓜炆仓鱼。HKD198 潮州炸蚝饼。HKD88🤫 啱啱𠮶个星期六日饭脚仔去咗参加100K..星期一就攞咗日假休息吓..差唔多下午茶时间..佢突然之间走咗过嚟..我意思系由佢屋企嚟咗我屋企..话带我出去食好嘢..咁我哋呢啲嫁鸡随鸡嫁狗随狗..嫁着只马骝通山走嘅就梗系即刻换衫跟佢出去啦🤫 事沿系早排我同佢讲过话突然好想叹吓潮州打冷𠮶啲卤水鹅..然后佢周围打听..收到风话九龙城有间镕记啲鹅好好食..所以即刻带我去㖞🤫 我哋去到九龙城三点半左右..人哋镕记先至啱啱开门..(我谂冇人会好似我哋咁样呢个时间过嚟食打冷啰😂) 正因为呢个时间半唥鲠..我哋都唔敢叫咁多嘢食..一于叫一份卤水双拼..一份蚝饼同一条鱼当下午茶🤫 首先上枱嘅就系我非常之期待嘅卤水鹅片拼鹅肠..真系不得了呀～师傅手势真系好好..鹅片切得够薄..卤水味香浓..肉质弹牙可口..然后鹅肠就更加香浓好味..有口感之余并唔会靭..最正嘅就系底下垫住一大嚿卤水豆腐..同埋平时好少见到有嘅卤水花生..就连饭脚仔呢个腌尖大少都赞不绝口
。
。
🇨🇳 潮州菜 在九龙城 🇨🇳
。镕记潮州饭店
。九龙城城南道33号地下
。
卤水拼盘
。HKD118
凉瓜炆仓鱼
。HKD198
潮州炸蚝饼
。HKD88
🤫 啱啱𠮶个星期六日饭脚仔去咗参加100K..星期一就攞咗日假休息吓..差唔多下午茶时间..佢突然之间走咗过嚟..我意思系由佢屋企嚟咗我屋企..话带我出去食好嘢..咁我哋呢啲嫁鸡随鸡嫁狗随狗..嫁着只马骝通山走嘅就梗系即刻换衫跟佢出去啦
🤫 事沿系早排我同佢讲过话突然好想叹吓潮州打冷𠮶啲卤水鹅..然后佢周围打听..收到风话九龙城有间镕记啲鹅好好食..所以即刻带我去㖞
🤫 我哋去到九龙城三点半左右..人哋镕记先至啱啱开门..(我谂冇人会好似我哋咁样呢个时间过嚟食打冷啰😂) 正因为呢个时间半唥鲠..我哋都唔敢叫咁多嘢食..一于叫一份卤水双拼..一份蚝饼同一条鱼当下午茶
🤫 首先上枱嘅就系我非常之期待嘅卤水鹅片拼鹅肠..真系不得了呀～师傅手势真系好好..鹅片切得够薄..卤水味香浓..肉质弹牙可口..然后鹅肠就更加香浓好味..有口感之余并唔会靭..最正嘅就系底下垫住一大嚿卤水豆腐..同埋平时好少见到有嘅卤水花生..就连饭脚仔呢个腌尖大少都赞不绝口..好味嘅程度系去到..份蚝饼都未上枱我哋已经食晒成碟卤水双拼咁滞..呢个真系大推..我一定会嚟返兜
🤫 再嚟就系新鲜滚热辣嘅蚝饼啊..本身谂住几十蚊货仔唔会太大份..就算饭脚仔唔食..我都可以自己一个食晒..点知我错啦🥹 份蚝饼大到阿妈都唔认得..好有镬气劲香脆..而且系用好大只嘅蚝嚟整蚝饼㗎呢度..点埋旁边𠮶啲鱼露真系Perfect啊..好可惜我一个人真系食唔晒..剩返好多..真系好心痛
🤫 最后就系我哋叫咗一个比较下火啲嘅凉瓜炆仓鱼..拣饮择食之王饭脚仔唯一唯二食嘅鱼就系仓鱼啦..见佢肯大啖食我就开心..仓鱼又系好鬼大条..大过我块面..而且食得出师傅用凉瓜炆佢之前系有煎炸过..所以就算条鱼放喺咁香浓嘅芡汁入边都依然系脆口..而且条鱼都好新鲜弹牙呀.. 食晒成条鱼之后我哋都饱晒..仲谂住留肚返屋企食晚饭添..错晒🤭
🤫 嘢食讲完啦..系时候讲吓环境配套..听老板娘同啲伙计沟通嘅时候大约知道镕记其实应该有两间舖头喺九龙城..而我哋嚟嘅呢一间舖头系有楼上嘅..所以环境都几阔落..咁讲得话潮州打冷就梗系唔会系𠮶种冠冕堂皇嘅餐厅格局啦..佢比起普通大排档干净企理..而且老板娘性格豪爽..一边食就一边听到佢严厉教导伙计点样清洁地方..保持环境干净..我谂夜晚黑呢度应该好多人帮衬㗎..等我叫饭脚仔下次夜晚黑带我嚟再食过先
🤫 后记一下..因为食完个咁澎湃嘅蚝饼..所以我系附近队咗一个龟苓膏先至返屋企🤪
。。
翻兜指数：🙆🏻♀🙆🏻♀️🙆🏻♀️🙆🏻♀️ （5个🙆🏻♀️为翻兜爆灯）
。。
张贴
