影片
更多
2023-03-04
310 浏览
介绍返💁🏻♀️。。🇰🇷 韩式炸鸡 在湾仔 🇰🇷。CHIMAC。皇后大道东202号QRE Plaza 2楼2号。韩式收鸡盒套餐 Chicken Share Box Set炸鸡腿肉 Boneless @ 12pcs 。HKD158 有骨炸鸡 Bone-in @ 10 pcs。HKD178包括-韩国原味炸鸡 Original @ 5 pcs配 自选一款口味 Your Own Choice @ 5 pcs白洋葱酱炸鸡 White Onion Sauce / 火山酱炸鸡 Volcano Spicy Sauce / 蒜头蜂蜜炸鸡 Garlic & Honey / 经典甜辣炸鸡 Sweet & Spicy / 葱蒜酱油炸鸡 Soy Garlic /蜂蜜焦糖炸鸡 Honey Caramel /洋葱芝士炸鸡 Onion Cheese / 韩式黑炸酱炸鸡 Jjajang配 小食两款 Snacks @ 2牛油粟米 Butter Corn / 香滑薯蓉 Mashed Potato / 炸紫菜卷 Fried Seaweed Roll @ 3 pcs / 炸薯条 French Fries / 鱼糕串 Fish
。
。
🇰🇷 韩式炸鸡 在湾仔 🇰🇷
。CHIMAC
。皇后大道东202号QRE Plaza 2楼2号
。
韩式收鸡盒套餐 Chicken Share Box Set
炸鸡腿肉 Boneless @ 12pcs
。HKD158
有骨炸鸡 Bone-in @ 10 pcs
。HKD178
包括
-韩国原味炸鸡 Original @ 5 pcs
配 自选一款口味 Your Own Choice @ 5 pcs
白洋葱酱炸鸡 White Onion Sauce /
火山酱炸鸡 Volcano Spicy Sauce /
蒜头蜂蜜炸鸡 Garlic & Honey /
经典甜辣炸鸡 Sweet & Spicy /
葱蒜酱油炸鸡 Soy Garlic /
蜂蜜焦糖炸鸡 Honey Caramel /
洋葱芝士炸鸡 Onion Cheese /
韩式黑炸酱炸鸡 Jjajang
配 小食两款 Snacks @ 2
牛油粟米 Butter Corn / 香滑薯蓉 Mashed Potato /
炸紫菜卷 Fried Seaweed Roll @ 3 pcs /
炸薯条 French Fries / 鱼糕串 Fish Cake Skewer @ 2 pcs
配 迷你饭两款 Choices of Mini Bowl @ 2
Chimac紫菜饭 Seaweed Rice /
韩式牛肉饭 Mini Bulgogi Rice /
泡菜猪肉饭 Mini Stir-fried Pork Rice /
韩式粉丝 Mini Japchae / 辣炒年糕 Mini Teokbokki
配 汽水两罐 Drinks @ 2
🤫 寻日预告咗今日会介绍鸡..事缘系朋友仔沈沈突然瘾起话要叫鸡..我一于带佢去我近排食过觉得最好食嘅韩式炸鸡CHIMAC啦..近近地就拣咗佢哋湾仔新开分店..一于放工过去同佢叹吓鸡吹吓水
🤫 上次喺中环码头食CHIMAC..可能佢哋品牌啱啱成立冇耐..𠮶阵大部份都要散叫..都冇话咁多种唔同嘅Set俾我哋拣..又冇咁多小食..今次嚟到湾仔呢度见到多咗好多选择..简直系眼前一亮
🤫 话晒我都进行紧减食阶段🤪 佢哋𠮶个乜鬼嘢二人特攻炸鸡套餐最啱就系两条女食..份量啱啱好..我哋就拣咗有骨炸鸡..包括原味炸鸡五件..再加自选炸鸡五件..我就推介沈沈试吓我上次叫过嘅蜂蜜焦糖味..呢个Honey Caramel味真系好香浓..上次食过之后回味无穷..𠮶种甜味就好似食紧Garrett𠮶只焦糖Pop Corn咁样..沈沈都大赞我冇介绍错
🤫 至于今次第一次食嘅原味炸鸡..原汁原味更加可以食得出鸡件自带嘅鸡油香..而且每一件鸡都好香脆..一啲都唔觉得油腻..沈沈话佢最钟意就系有得拣带骨嘅鸡件..咁就可以连啲鸡软骨都唔放过..呢啲先至系食鸡嘅最高境界㖞🤤 虽然我哋点嘅鸡鸡一咸一甜一个干身一个有酱汁..但系佢哋都不约而同鸡肉非常之滑溜而且Juicy..真心觉得性价比超高
🤫 然后我哋呢个二人Set仲可以拣两款小食同两款迷你嘅主食..我哋就拣咗牛油粟米同埋鱼糕串做我哋嘅小食..成餐全部都系肉..嗌返一碗仔粟米食吓..叫做食啲蔬菜..呃吓自己呃吓人..谂唔到佢呢个牛油粟米又真系好重牛油味㖞..可惜份量唔算多..有啲到喉唔到肺😂 然后鱼糕串好搞笑咁样已经帮我哋剪到一块块正方形细细块..啱晒我哋呢啲淑女一啖一块咁样..咁呢啲鱼糕不嬲都冇话好特别嘅味道..正正常常..过吓口瘾..怀念一下喺韩国街头扫街嘅味道
🤫 然后迷你主食我哋就要咗一个牛肉饭同一个韩式炒粉丝..两碗主食份量唔多..但系个人认为配埋鸡件同埋小食之后其实系啱啱好嘅..韩式牛肉非常入味而且软绵..如果佢俾多啲牛肉汁捞饭就更加开心啦..然后韩式炒粉丝冇令我失望..同其他韩式餐厅一样质素..唔错
🤫 成个餐有咁多嘢食之余都仲包埋一人一罐汽水..我哋两个都拣咗雪碧..但系其实都有韩国𠮶啲忌廉沟鲜奶啊𠮶啲汽水拣㗎
🤫 重点系～呢个二人套餐真系好啱我呢啲眼阔肚窄..样样都想食样样都想试嘅人..样样都散叫嘅话就会食唔晒..而家好啦..一个餐全部想试嘅嘢都试晕晒..老老实实呀..两旧水唔到..有咁多嘢食仲有嘢饮..仲要质素都系中上..系咪抵先(大家有冇发觉近排我经常介绍啲性价比高..甚至乎系真系抵食嘅嘢俾大家呢😂 原因系近排洗咗好多钱喺扮靓𠮶度..所以要悭返啲食饭钱..帮补吓家计🤪)
🤫 最后讲吓环境..食过CHIMAC两间分铺..感觉佢哋行外卖路线为主..所以堂食嘅座位唔算太多..都系十零个位咁样..虽然话唔系主Sell堂食..但系环境设计都几靓几舒服..干净企理快餐店形式啦..呢间我推介
。。
翻兜指数：🙆🏻♀️🙆🏻♀️ 🙆🏻♀️（5个🙆🏻♀️为翻兜爆灯）
💮已翻兜次数：2次💮
。。
张贴
