影片
更多
2023-12-15
40 浏览
介绍返💁🏻♀️。。🇭🇰 一人一锅蒸气锅 在铜锣湾 🇭🇰。船涡 Boat Boat Steam。维安商业大厦3楼。九品芝麻前菜：沙律。炸物：章鱼烧两粒。海鲜：白蚬，虾，鲜鱼片，大蚬，北寄贝，鲍鱼。肉类：美国肥牛/ 豚肉片 / 鸡腿肉 - 3选2丸类：牛骨浓汁牛丸，姜汁皮蛋贡丸，招牌墨鱼丸。HKD258 + 10%内务总管前菜：沙律。炸物：吉列炸蚝两只。海鲜：白蚬，虾，大蚬，北寄贝，鲍鱼，元贝， 蟹半只 / 蛏子皇一只 - 2选1肉类：美国肥牛 / 豚肉片 / 鸡腿肉 - 3选2丸类：牛骨浓汁牛丸，姜汁皮蛋贡丸，招牌墨鱼丸。HKD328 + 10%*选两份牛 加 HKD6 +10%随餐附有汤底 ： 原味鱼汤 / 麻辣鱼汤 +HKD3 / 蕃茄鱼汤 +HKD5 / 翅骨浓鸡汤 +HKD10粥底 / 面底 ： 南瓜芋头粥底 / 米粉 / 米线 / 乌冬 / 拉面 / 出前一丁蔬菜拼盘甜品罐装汽水。HKD16 + 10%🤫 原来而家蒸气锅已经进化到可以系一人一锅咁嘅玩法㗎啦😮真系唔系饭脚仔带我去开大餐我都唔知有啲咁嘅事..上到去船涡见到佢哋竖起咗只几靓嘅艇仔做生招牌..又几有设计感㗎啵～入到去再
。
。
🇭🇰 一人一锅蒸气锅 在铜锣湾 🇭🇰
。船涡 Boat Boat Steam
。维安商业大厦3楼
。
九品芝麻
前菜：沙律。
炸物：章鱼烧两粒。
海鲜：白蚬，虾，鲜鱼片，大蚬，北寄贝，鲍鱼。
肉类：美国肥牛/ 豚肉片 / 鸡腿肉 - 3选2
丸类：牛骨浓汁牛丸，姜汁皮蛋贡丸，招牌墨鱼丸
。HKD258 + 10%
内务总管
前菜：沙律。
炸物：吉列炸蚝两只。
海鲜：白蚬，虾，大蚬，北寄贝，鲍鱼，元贝，
蟹半只 / 蛏子皇一只 - 2选1
肉类：美国肥牛 / 豚肉片 / 鸡腿肉 - 3选2
丸类：牛骨浓汁牛丸，姜汁皮蛋贡丸，招牌墨鱼丸
。HKD328 + 10%
*选两份牛 加 HKD6 +10%
随餐附有
汤底 ： 原味鱼汤 / 麻辣鱼汤 +HKD3 / 蕃茄鱼汤 +HKD5 / 翅骨浓鸡汤 +HKD10
粥底 / 面底 ： 南瓜芋头粥底 / 米粉 / 米线 / 乌冬 / 拉面 / 出前一丁
蔬菜拼盘
甜品
罐装汽水
。HKD16 + 10%
🤫 原来而家蒸气锅已经进化到可以系一人一锅咁嘅玩法㗎啦😮真系唔系饭脚仔带我去开大餐我都唔知有啲咁嘅事..上到去船涡见到佢哋竖起咗只几靓嘅艇仔做生招牌..又几有设计感㗎啵～入到去再发现佢哋座位安排系一个非常聪明嘅设计..全间餐厅有三张超级大嘅长枱..然后每个位嘅前边左右边都有可以收放自如嘅竹帘..呢个设计无论系自私食..三五成群又或者好似我哋两个咁拍拖仔嚟都可以有私人嘅空间之余又善用空间..变化相当灵活..暂时都系第一次见呢种Setting🤓真系写个服字俾佢～
🤫 咁呢度话明系一人一锅..顾名思义就系一人一个Set咁样啦..唔系话真系特别爱好海鲜嘅饭脚先生就拣咗呢度最抵玩嘅𠮶一个九品芝麻套餐..而我呢就拣咗贵一级嘅内务总管..呢度啲餐个名好搞笑啊呵🤪
🤫 喺度轻轻讲解吓两个Set嘅分别先～平啲𠮶个餐有鲜鱼片..而我𠮶个就将鱼片升级咗做大嘅元贝..外加多半只蟹或者一只蛏子皇..然后肉类方面..两个餐都可以喺鸡牛猪里边三选二..如果想Double牛嘅话Additional加六蚊鸡就可以嘞..饭脚仔𠮶个餐就有四片肉..我𠮶个贵啲就有六片肉..仲有～小食方面分别系吉列蚝同章鱼烧..大致就系呢啲分别啦～
🤫 静鸡鸡话你知呀..我一路都认为蒸气锅系好食过打边炉㗎🤭因为我总系觉得啲海鲜啊肉啊攞嚟蒸比起浸落啲汤入边渌熟佢更加能够保持到嘢食本身嘅鲜味..唔知有冇人认同我呢个谂法呢？而且始终呢度唔系放题任食..所以海鲜嘅质素真系高好多..尤其是当我见到佢哋有好多个鱼缸装住𠮶啲活海鲜嘅时候就完全印证到我嘅谂法..拎到埋嚟𠮶啲沙白蚬仲郁紧㗎☺️
🤫 蚬嚟讲大大细细都有十零只..只要跟足枱面𠮶个蒸几多分钟嘅指示去煮嘅话真系坚好味唔系讲笑..鲜甜唔再讲..我哋𠮶啲蚬系百分之一百冇沙..非常正～
🤫 第二样我觉得最美味嘅就系我𠮶只蛏子皇嘞..蛏子皇就唔系话真系大到阿妈唔认得𠮶种..不过都算系冇辜负佢嘅盛名啦..而且蒸完出嚟一啲都唔韧仲要好甜..如果唔系仲有好多嘢未食..我真系会考虑散叫多一只嚟翻兜🤭
🤫 第三样推介嘅海鲜就系北寄贝～真系谂唔到其他形容词..因为佢真系好鲜甜..弹牙爽口..就连平时唔会拣北寄贝嚟食嘅饭脚仔都话Yummy
🤫 另外佢哋𠮶啲鲜鱼片都好正..蒸完出嚟啖啖肉好肥美..仲有些少油脂咁样..唯一就系有骨要食得小心啲
🤫 本来啲海鲜咁新鲜好味而且呢度打正旗号系主打海鲜咁..都有些少担心呢度嘅肉类唔及得上出边打边炉𠮶啲肉..点知又唔会㖞～就算我哋食平平哋嘅美国肥牛都好靓好有牛味..而且肥瘦都几适中..贵啲𠮶个餐嘅牛仲大块啲添㗎(我哋觉得🤪)
🤫 另外每人都有嘅𠮶三粒丸都好高质素㗎..佢哋嘅招牌墨鱼丸系不规则形状..比起出边街食到嘅墨鱼丸嘅墨鱼味浓好多..仲好弹牙添～本来我谂住分𠮶三粒丸俾饭脚仔食惊佢唔够饱..点知三粒都各有特色..最后我系唔舍得俾佢嘅😬𠮶粒牛骨浓汁牛丸呢..系同我上次去铜锣湾𠮶间新巴黎食过嘅𠮶只超好味牛丸系同一个Level 㗎😮我平时唔系特别钟意食牛丸㗎咋..不过呢一只牛丸真系好浓牛味㗎..而第三种丸就系之前都未食过嘅姜汁皮蛋贡丸..呢粒贡丸一咬开入边系有姜蓉㗎..啲姜嘅味超级浓有啲遮盖咗皮蛋嘅味道..所以三粒丸嚟讲..呢粒就相对失色啲
🤫 已经讲咗咁多嘢食俾大家知..但系其实仲有好多嘢食㗎..食到最后真系饱到上心口..前菜嘅蟹籽沙律同埋各自各嘅小食啦～蔬菜拼盘入边有粟米南瓜翠玉瓜冬菇金菇娃娃菜同埋水耕菜啦..仲要惊死你唔够饱有粥底或者面底..同埋甜品嘅糯米糍
🤫 我之前唔系未食过蒸气锅㗎..首先而家呢个三百蚊左右嘅价钱喺市面嘅蒸气锅好似埋唔到单..就算我当你埋到单..食到高质嘢就好大机会唔够饱..食得饱你..大部份质素都唔多掂..难得呢度海鲜肉类嘅质素真系相当可以..至紧要系满载而归(个肚腩🫠)..我真心推介食蒸气锅拣呢间🤝🏻你唔会后悔
。。
翻兜指数：🙆🏻♀️🙆🏻♀️🙆🏻♀️🙆🏻♀️ （5个🙆🏻♀️为翻兜爆灯）
。。
张贴
