Sup 1 (已結業)

星期六中午行过高街，见到呢间装修颇有特色嘅食肆刚开舖，又有set lunch，一于试吓。 餐汤香浓足料，唔系一味忌廉汤。唔拣汤可选沙律，菜亦新鲜爽口。鱼配沙律感觉清新，鱼无腥味。羊扒煎得刚好，略嫌欠膻味，虽非人人喜欢，总觉得点都要有膻味先似羊肉。整体感觉系即使set lunch 都系认真之作。 虽然呢度位于食肆林立嘅高街，但系唔近扶手电梯，人流最多就系附近学校返放学时间，不过断估学生唔系目标顾客，要吸引人帮衬一定要有自家特色。午市套餐质素虽好却欠自家风格，好难吸引人去完再去。晚市就未知如何了。