茶寮 京都仁王門

营业中

休息中

开个post赞一赞呢间舖头负责任嘅态度。去开荃湾西，见佢$88个Tiramisu pancake优惠几吸引。虽然我又有啲赶时间，而佢写明所有pancake都要等30分钟，不过我都胆粗粗问吓系咪真系要等甘耐。仲谂住搏中，店员话而家有份现成嘅，咁我就梗系即刻入去试吓啦。果然等了两三分钟，份pancake就嚟咗。卖相好靓，点知笃落去.....咦，个饼底有啲韧嘅？！照计日本pancake唔应该咁嘅㖞。食吓食吓，去到中间真系顶唔顺，直程系要用叉扯出嚟咁😟忍唔住...决定问吓店员😬，估唔到店员好好，即刻话可以俾过份新嘅我，不过要等30分钟。🥺估唔到我咁问一句，店员就好有诚意立刻补救。终于等咗大约30分钟，我份pancake就嚟咗啦。😀Pancake系几软滑嘅，不过蛋味唔算浓。但系Tiramisu酱同朱古力都好食😋。加埋卖相吸引，所以整体好满足。