捌拾胡同 (已結業)

休闲嘅星期六做下 facial 按下摩，中间有少少时间医下肚。除咗食紫色鸡蛋仔，我最近就钟意黎呢间捌拾胡同 。位置近厚福街，廿蚊一兜唔知几多粒鱼蛋𠮶间小食店隔离。本人十分喜欢食串烧，所以我对串烧系有丁丁要求。唔可以样样野都系同一个味，串烧调味唔可以太重手，唔可以盖过本身肉嘅鲜味。捌拾胡同可谓满足到我串烧怪嘅小小要求。我多数都系叫呢三样。牛柳粒，细细粒都有牛味。玻璃猪，最钟意佢岩岩烧完系脆与弹牙之间。蜜糖鸡翼就系情意结。 店好细架咋，得两个位可以坐，大部分人都系拎走或者企喺度食，所以真系只可以当佢系串烧小食店。我觉得应该系生意难做咗，平时成两点几先开舖，今日1点左右已经开咗。如果系求助渌下廿蚊一兜鱼蛋同出一身汗烧嘅十几蚊串诚意串烧，我希望大家可以支持下。