Gusto Restaurant & Bar (已結業)

铜锣湾嘅V Point，唔单止系美食嘅集中地，而且间间餐厅仲要价格唔平。但今日嚟到呢间西餐，食物质素好之余，价格仲十分宜人添! 餐厅环境宽敞，唔会似其他酒吧餐厅灯光太过昏暗，同朋友倾计就非常适合。食物方面，先叫一客香煎鹅肝，金黄色嘅卖相，已经甚具吸引，上枱时仲香味十足，再切落去质感软滑，有入口即溶嘅感觉。接著两道主菜亦十分出色，鲜虾蕃茄天使面，用上大大只鲜虾，虾肉有弹性而丰厚，鲜甜味十足，而蕃茄跟天使面非常匹配，酱汁能够紧紧锁在面条上，够晒惹味。而Baby Ribs亦系我地嘅挚爱，用上先煎后烤嘅方式处理，令Ribs可以锁紧肉汁之余，亦可以有香烤嘅感觉。而用上炸甜蕃薯条，比起一般薯条更滋味，甜味更浓郁。最后来一客Tiramisu，食法相对接近外国，可以先用手指饼浸在Espresso之中，然后再放在Tiramisu之中一齐进食，咁样就可以一次食到3种口味，层次够晒丰富。