JK Kitchen (已結業)

其实同男朋友成日都去铜锣湾食晚饭，次次都系食我地食惯既米线，今次试下食啲楼上铺头先。我地系登龙街咁多食市中拣左JK Kitchen黎试，都好耐无食过越式野lu。出面同里面既装修都好靓，感觉好干净。入到去，加分位系有个大电视🤓第一道𩠌系越式猪扒饭，卖相好野味，猪扒配炸蒜同葱真系无敌既组合，猪扒唔林唔硬，少脂肪得黎唔干，啲白饭都好好味，perfect！第二道系越式春卷河粉，分左三碟咁咁上，好钟意佢张青柠，辣椒，芽菜分开上，真系几贴心，可以钟意攞几多就攞几多，男朋友唔钟意食芽菜就冇落过🧐春卷炸得好脆，食落又唔系好油，同埋好大条好足料呀！第三道菜系越式鸡肉串烧，鸡肉调味得几好，好似唔洗点酱都好有味。甜品黎啦，呢杯系三色啫喱呀！真系有三只包好有诚意，上面仲有椰果食，劲好味！到饮品啦，我觉得系今晚既重点，真系无嗌错，就系越式三色冰啦！呢杯真系无敌大杯，由最底讲起，有爽口既浪粉，之后有巨大既椰子冰，睇落好似一座雪山咁，最上有劲多红豆，真系好正好抵饮！另一杯就系清浪既椰子水。整体黎讲，上菜快，服务好，环境好，味道好，应该会再黎食。