Villa Villa

营业中

休息中

小店位于条比较隐蔽的小路，正常人都唔会转入嚟，但之前听同事介绍过呢间西餐小店。今晚同朋友慕名而来，果然不负所望，食物高质，性价比又高。简单order左2人set, 已经可以试齐推荐食物：🍲龙虾汤配黑炭法包，法包香脆较淡味，配香浓龙虾汤啱啱好。🍟黄金炒薯条，呢个系我最期待，每一条都布满大量的咸蛋黄，而且炒得干身，唔会油腻，而且系粗薯条炒，比例啱啱好。🍕双重芝士脆薄饼，拣咗Parma Ham on top，饼底又薄又脆口，面层目测有两款芝士，一粒粒似系cream cheese，多左一层口感，加埋ham的咸香，推介。🍝北海道帆立贝扁意粉配罗勒蕃茄汁，厚肉大粒的带子配上开胃的新鲜蕃茄汁，而意粉口感适中，唔算惊喜，但有一定水准。🍰最后order甜品，是皇牌之一的法国朱古力蛋糕，唔算好甜，朱古力味浓郁，而且内里有两层，一层是朱古力慕丝，内层是朱古力海绵蛋糕，海绵蛋糕好轻好软熟，不同口感一次过夹集。咖啡是有机的，帮忙中和甜品的甜。