影片
更多
2020-10-04
31 浏览
早几日去咗Donki朝圣，顺便食个lunch，谂起屋企人推荐有间台式便当几好食所以就去试吓！呢间台式便当系一个food court里边，骤眼睇都几多人买外卖，佢嘅Menu款式唔多主要系饭类同面类为主，另外都有台式手摇饮品售卖，成朝未食过嘢嘅我梗系食个饭先啦！唔知系咪外卖嘅生意太好，我等咗大概15分钟先有得拎，另外我本身讲堂食，但系可能太忙嘅关系佢改咗外卖方式连纸袋俾我，咁样做好似有少少浪费，不过另一方面又谂始终而家肺炎肆虐甘都系多一个渠道避免交叉感染嘅。今次叫咗台式控肉饭，控肉即系三层肉，口感会比普通卤肉饭更扎实，而且自己可以选择唔食肥猪肉嘅部份，所以我都几钟意架。讲返个便当先，佢嘅配菜都几多种类，有粟米，炒粉丝，蔬菜丝同埋半只卤蛋，整体便当味道唔错，控肉口感扎实但唔会太硬，而且香气十足，配上珍珠米感觉十分好，配菜方面亦都唔失色，我最推荐系佢嘅炒粉丝，食到浓浓酱汁香味但系唔会淋晒，卤蛋腌制既时间够长，食到香口既卤水汁味道。便当免费赠送一杯饮品，我拣咗茉香绿茶，虽然比较甜，但系茶香好浓厚 ，以几十蚊嘅价钱就食到既话我个人十分推荐架！
呢间台式便当系一个food court里边，骤眼睇都几多人买外卖，佢嘅Menu款式唔多主要系饭类同面类为主，另外都有台式手摇饮品售卖，成朝未食过嘢嘅我梗系食个饭先啦！
唔知系咪外卖嘅生意太好，我等咗大概15分钟先有得拎，另外我本身讲堂食，但系可能太忙嘅关系佢改咗外卖方式连纸袋俾我，咁样做好似有少少浪费，不过另一方面又谂始终而家肺炎肆虐甘都系多一个渠道避免交叉感染嘅。
今次叫咗台式控肉饭，控肉即系三层肉，口感会比普通卤肉饭更扎实，而且自己可以选择唔食肥猪肉嘅部份，所以我都几钟意架。讲返个便当先，佢嘅配菜都几多种类，有粟米，炒粉丝，蔬菜丝同埋半只卤蛋，整体便当味道唔错，控肉口感扎实但唔会太硬，而且香气十足，配上珍珠米感觉十分好，配菜方面亦都唔失色，我最推荐系佢嘅炒粉丝，食到浓浓酱汁香味但系唔会淋晒，卤蛋腌制既时间够长，食到香口既卤水汁味道。便当免费赠送一杯饮品，我拣咗茉香绿茶，虽然比较甜，但系茶香好浓厚 ，以几十蚊嘅价钱就食到既话我个人十分推荐架！
张贴