影片
更多
2021-07-28
84 浏览
真系冇试过食私房菜，难得小妹疫情底下都升职加人工，就带老妈子出去食返餐劲嘅！餐前三小碟开头以为系青瓜、云耳个一类，点知原来系脆豆腐、脆皮鸡同麻酱茄子，上枱热辣辣好惹味，三款小食各有特色都好精致，豆腐薄皮脆身内滑，鸡肉唔肥炸皮出色仲去埋皮质，凉拌茄子最有惊喜，清而鲜嫩。冬虫草螺头炖竹丝鸡 一上枱已经闻到好浓虫草味，碗内仲有三大条冬虫草，肉身肥厚。汤头劲鲜，超够火喉！螺头同竹丝鸡相配得宜，虽然系炖料但绝对值得食埋。菜胆炖大排翅一上枱鱼翅嘅份量真系吓亲，汤头鲜、香、甜，咸度刚好，咬落爽弹。鱼翅真材实：一丝丝、一条条、一梳梳好足料，目测起码有四两，配埋少少菜胆，食落就系好单纯嘅清甜味。鱼露干煸南非鲍鱼鲍鱼爽口、大只、鲜甜！鱼露适量所以唔会太咸。而且上碟嘅时候已经切好晒，方便进食，连鲍鱼壳都清洗得非常干净，摆盘见用心，放有少量三色椒同翠玉瓜作伴碟令卖相更吸引。虾球芝士炒蛋白蛋白够滑亦都够绵，放系虾球之下索左啲油更滋味，虾球弹牙，但略嫌芝士味可以再浓一啲。鲜蟹肉扒芦笋蟹肉打成羡，鲜甜多汁，亦无丁点碎骨，配上爽口既芦笋，清清甜甜，为食甜品之前清一清喉咙。香草烩美国牛肋条喺云云中菜当中加咗一碟西式化嘅
餐前三小碟
开头以为系青瓜、云耳个一类，点知原来系脆豆腐、脆皮鸡同麻酱茄子，上枱热辣辣好惹味，三款小食各有特色都好精致，豆腐薄皮脆身内滑，鸡肉唔肥炸皮出色仲去埋皮质，凉拌茄子最有惊喜，清而鲜嫩。
冬虫草螺头炖竹丝鸡
一上枱已经闻到好浓虫草味，碗内仲有三大条冬虫草，肉身肥厚。汤头劲鲜，超够火喉！螺头同竹丝鸡相配得宜，虽然系炖料但绝对值得食埋。
菜胆炖大排翅
一上枱鱼翅嘅份量真系吓亲，汤头鲜、香、甜，咸度刚好，咬落爽弹。鱼翅真材实：一丝丝、一条条、一梳梳好足料，目测起码有四两，配埋少少菜胆，食落就系好单纯嘅清甜味。
鱼露干煸南非鲍鱼
鲍鱼爽口、大只、鲜甜！鱼露适量所以唔会太咸。而且上碟嘅时候已经切好晒，方便进食，连鲍鱼壳都清洗得非常干净，摆盘见用心，放有少量三色椒同翠玉瓜作伴碟令卖相更吸引。
虾球芝士炒蛋白
蛋白够滑亦都够绵，放系虾球之下索左啲油更滋味，虾球弹牙，但略嫌芝士味可以再浓一啲。
鲜蟹肉扒芦笋
蟹肉打成羡，鲜甜多汁，亦无丁点碎骨，配上爽口既芦笋，清清甜甜，为食甜品之前清一清喉咙。
香草烩美国牛肋条
喺云云中菜当中加咗一碟西式化嘅菜式，餐厅处理都不俗。牛肋条肉质淋软、厚肉、有口感，牛味不太浓，亦略嫌香草可以多少少。
酒香药膳蒸滑鸡
呢啲菜式相信准备时间嘅功夫好足够，鸡肉非常入味，而且相当嫩滑，酒嘅味道大部份已经挥发，但药膳味保留得相当浓郁，仲渗透左落底下嘅米饭。
甜品
包括芝麻椰汁糕、甜炸云吞、椰香年糕。第一款芝麻味十足，同椰汁层中间仲夹杂绿豆爽增加口感；炸云吞皮配上糖粉令成件事好有趣，估唔到可以咁食；外面包裹住一啲类似椰丝咁嘅碎粒，里面系好有咬口嘅椰香味麻薯，每款都好讨人欢喜。
顺带赞吓餐厅嘅色句真系好靓，好古雅！连嘴刁既阿妈大赞，大家不妨可以同长辈嚟试一试！！
张贴
