影片
更多
2024-04-19
384 浏览
同朋友嚟深水埗买嘢，搞掂就顺便喺附近食个下午茶餐。上网揾到呢间「雪山冰厅」，据说餐厅创立于1956年，至今已有60多年历史〜〜店舖地方不大，但台櫈摆放得好整齐企理，拼配墙上嘅鱼跃喷画同旧式茶记嘅标志性地砖，装修新颖得嚟又带点复古，满有心思💕 点咗 2 份下午茶餐 同 一客椒盐猪扒饭。避风塘生炸髀配红豆冰 ($45)，鸡髀即点即炸，上桌时仍热辣辣，鸡皮超脆，鸡肉嫩滑不韧，加上面头微辣惹味嘅炸蒜，呈现经典避风塘滋味。红豆冰用料十足，椰味、奶味同红豆非常夹，入口甜度适中，饮完成个人充实晒。经典芝蛋牛肉汉堡包 ($40) 配樽仔奶茶 (+$9)，牛肉好 juicy，煎蛋半生熟、咬开有蛋汁流出，面包松软富牛油香，配埋块热溶芝士一齐食，超正 。奶茶用咗三种茶叶炮制，入口茶味好香浓，丝滑得嚟又唔苦涩，啖啖回甘，绝对值得一试。始祖椒盐猪扒饭 (炒底) ($72) 猪扒新鲜即炸，肉味浓郁又富肉汁，加上椒盐作点缀，够晒香口惹味！饭底炒得很有镬气，色泽金黄且粒粒分明，食完好有满足感。甜品点咗客榛子酱西多 ($32) 西多即叫即炸，送上时仍热辣辣，切开见到入面包住一层厚厚嘅榛子酱，入口味道好香浓，外脆内软
同朋友嚟深水埗买嘢，搞掂就顺便喺附近食个下午茶餐。上网揾到呢间「雪山冰厅」，据说餐厅创立于1956年，至今已有60多年历史〜〜
店舖地方不大，但台櫈摆放得好整齐企理，拼配墙上嘅鱼跃喷画同旧式茶记嘅标志性地砖，装修新颖得嚟又带点复古，满有心思💕 
点咗 2 份下午茶餐 同 一客椒盐猪扒饭。
避风塘生炸髀配红豆冰 ($45)，鸡髀即点即炸，上桌时仍热辣辣，鸡皮超脆，鸡肉嫩滑不韧，加上面头微辣惹味嘅炸蒜，呈现经典避风塘滋味。
红豆冰用料十足，椰味、奶味同红豆非常夹，入口甜度适中，饮完成个人充实晒。
经典芝蛋牛肉汉堡包 ($40) 配樽仔奶茶 (+$9)，牛肉好 juicy，煎蛋半生熟、咬开有蛋汁流出，面包松软富牛油香，配埋块热溶芝士一齐食，超正 。
奶茶用咗三种茶叶炮制，入口茶味好香浓，丝滑得嚟又唔苦涩，啖啖回甘，绝对值得一试。
始祖椒盐猪扒饭 (炒底) ($72) 猪扒新鲜即炸，肉味浓郁又富肉汁，加上椒盐作点缀，够晒香口惹味！饭底炒得很有镬气，色泽金黄且粒粒分明，食完好有满足感。
甜品点咗客榛子酱西多 ($32) 西多即叫即炸，送上时仍热辣辣，切开见到入面包住一层厚厚嘅榛子酱，入口味道好香浓，外脆内软，甜而不腻，唔使点糖浆食都已经好够味。
张贴
