影片
更多
2013-04-13
42 浏览
Piccolo乃家中表姨甥们MAN（”MAN”其实系佢地三个英文名以字头组合而成o既花名）最喜爱之食店也！适逢学校复活节假期，表姐同姨妈得知Piccolo喺小肥公司附近开左近分店，于是就大伙人约埋去食lunch。Piccolo湾仔分店位于湾仔核心地段，地鐡出口都只系要行几分钟，十分方便。虽然舖头细细间，不过因为有张长梳化，所以感觉好有家庭feel，细细粒o既MAN又可以随意喺梳化上趴动，就连我地手抱BB阿O仔都想同三个MAN一齐玩。小肥最欣赏就系餐厅内勤奋o既伙计，其中Joey哥哥最为落力；虽然招呼我地成枱大人细路咁吃力，但系佢依然可以笑容满脸地满足我地所有要求，真系感激，感激！记得公司同事讲过话老细好钟意食pizza，所以就问Joey哥哥攞张外纸，可惜佢话暂时未有，但绝对唔介意我拍下menu，再打电话落order。当日我地人多，由姨妈负责叫野食黎大家分：Pancetta Pizza (with Italian Egg) – Soft Egg, Bacon & Tomato（$145）：小肥都系第一次见到pizza中间有只蛋，真系够哂新奇！薄薄o既pizza香脆易入口，烟肉同蕃茄唔会太
Piccolo湾仔分店位于湾仔核心地段，地鐡出口都只系要行几分钟，十分方便。虽然舖头细细间，不过因为有张长梳化，所以感觉好有家庭feel，细细粒o既MAN又可以随意喺梳化上趴动，就连我地手抱BB阿O仔都想同三个MAN一齐玩。小肥最欣赏就系餐厅内勤奋o既伙计，其中Joey哥哥最为落力；虽然招呼我地成枱大人细路咁吃力，但系佢依然可以笑容满脸地满足我地所有要求，真系感激，感激！记得公司同事讲过话老细好钟意食pizza，所以就问Joey哥哥攞张外纸，可惜佢话暂时未有，但绝对唔介意我拍下menu，再打电话落order。
当日我地人多，由姨妈负责叫野食黎大家分：Pancetta Pizza (with Italian Egg) – Soft Egg, Bacon & Tomato（$145）：小肥都系第一次见到pizza中间有只蛋，真系够哂新奇！薄薄o既pizza香脆易入口，烟肉同蕃茄唔会太多，连埋个流心太阳蛋一齐食增添软熟滑溜感，真系好有惊喜，是日必吃推介！
Chicken Wings（$80／6pc）：炸鸡翼热辣辣，皮脆鸡肉嫩，大人细路都好啱食！
Linguine Vongole – Seasonal Clams in White Wine （$150）：白汁蚬意粉少辣多汁，烹调时间刚刚好，所以意粉绝对唔会过腍，蚬肉同汤一样咁鲜甜，好味！
French Fries（$60）：薯条切得够幼，炸得亦尚算干身，小朋友们食到唔停得口。
Spaghetti Aglio Olio – Roasted Garlic & Red Chilli in Olive Oil（$120）：走左红椒o既意粉蒜味唔会过浓但依然好香口清爽，食落更毫不滞口，面条做得非常al dente，喺口到弹下弹下，超正！
Caprese Salad – Buffalo Mozzerella, Cherry Tomato & Basil（$110）+ Beetroot & Rocket – Served with Fennel Shavings and Radish（$80）：小朋友们爱食菜（健康得令表舅父有少少惭愧），姨妈特地叫左几碟沙律大家分。小肥舅父好伟大地同班细路讲，比埋我𠮶份菜比佢地食，哈哈，氹到佢地kaka笑。
Piccolo餐厅细细间，小朋友尤其爱坐长梳化，感觉好温馨，就连手抱BB都唔会扭计。餐厅食物大多香脆，pizza样貌新颖，服务生态度诚恳友善，唔怪得知我班表姨甥MAN咁钟意喺Piccolo度开餐，听到舖头喺湾仔开分店仲要第一时间捉住婆婆同姨婆一家去试！个人觉得如果价钱可以下调少少，XO仔会食得仲开心。
张贴
