影片
更多
2008-04-24
19 浏览
奉消委会谕：入任何食肆之前记紧要睇餐牌；去陌生嘅餐室一定要睇里面嘅入座率；见到无理嘅最低消费一定要嗌唔好，如果唔系后果自负…以下系发生喺铜锣湾区嘅最新一宗骗案—寻日放工谂住同个朋友饮杯嘢，佢话最好有海景，于是我提议去海旁揾啲楼上cafe试下，误打误撞嚟咗依间。一上到去见到空无一人仲以为去错层数，但唔知边度闪咗个人出嚟问我哋有冇订枱，尽管我哋想走，但佢二话不说已经招呼我哋坐低。朋友眼利，留意到墙边写住最低消费喺黄金时段系每人$150，但店员即刻吞吞吐吐咁话只要叫嘢饮同小食就可以寛免，而且佢仲口快快咁话其实我哋好容易达到要求。我打开餐牌即刻知点解，因为所有食品嘅价钱都系天价，随便一项小食都上百蚊，饮品都平均七十，睇云最平嘅一杯汽水亦要$45，简直系六星级酒店嘅收费。本来理智嘅我已经打算动身离开，无奈朋友喜欢佢个维港夜景，而且仲话一次半次，当系支持下本港艰苦经营嘅中小企，今次就由佢请客。就系咁我同一般骗案嘅受害者一样动咗恻隐之心，结果就堕入陷阱。店员由于见我面有难色，于是就天花龙凤咁吹嘘佢哋嘅食物同服务，话系大师级厨师，选料最上乘，不过佢啲演技就非常拙劣，连讲嘢都口窒窒，听佢讲完一轮我仲担心
以下系发生喺铜锣湾区嘅最新一宗骗案—寻日放工谂住同个朋友饮杯嘢，佢话最好有海景，于是我提议去海旁揾啲楼上cafe试下，误打误撞嚟咗依间。一上到去见到空无一人仲以为去错层数，但唔知边度闪咗个人出嚟问我哋有冇订枱，尽管我哋想走，但佢二话不说已经招呼我哋坐低。
朋友眼利，留意到墙边写住最低消费喺黄金时段系每人$150，但店员即刻吞吞吐吐咁话只要叫嘢饮同小食就可以寛免，而且佢仲口快快咁话其实我哋好容易达到要求。我打开餐牌即刻知点解，因为所有食品嘅价钱都系天价，随便一项小食都上百蚊，饮品都平均七十，睇云最平嘅一杯汽水亦要$45，简直系六星级酒店嘅收费。本来理智嘅我已经打算动身离开，无奈朋友喜欢佢个维港夜景，而且仲话一次半次，当系支持下本港艰苦经营嘅中小企，今次就由佢请客。就系咁我同一般骗案嘅受害者一样动咗恻隐之心，结果就堕入陷阱。
店员由于见我面有难色，于是就天花龙凤咁吹嘘佢哋嘅食物同服务，话系大师级厨师，选料最上乘，不过佢啲演技就非常拙劣，连讲嘢都口窒窒，听佢讲完一轮我仲担心过原先，于是唯有求其应酬一下叫咗杯薄荷朱古力奶昔。朋友问佢大杯同细杯嘅分别，相差十三蚊但容量差近一倍，于是理所当然要大杯。话虽如此，大杯就唔等于好饮，虽然佢哋讲到系用乜嘢精选朱古力豆，而且仲三个店员合力喺厨房搞咗一大轮，但味道完全同旺角啲咖啡室无乜分别。眺望维港两岸，一谂起用依个价钱可以帮衬到嘅无敌大海景酒店不知凡几，我就更加心痛。
睇返𠮶几位店员，佢哋嘅专业服务真系令人惨不忍睹，一个就部喺门口等下一个受害者、另一个就挂住上网、仲有一个就一时喺厨房一时走出嚟睇电视，加上店内局促嘅环境，我嘅感觉真系完全好似去咗人哋屋企咁，唯一分别系要俾人斩到一颈血。最后等到埋单，佢哋竟然话我哋消费太少不收信用卡，由于朋友无带现金，于是我唯有用尽身上嘅钱嚟找数。突然间我嘅脑海里面闪起歌神嘅《日本娃娃》…「摸摸我袋，唉洗剩八个几咋，蚀埋份粮添今次衰咗喇！」
张贴