夜首爾

营业中

休息中

本来果一晚打算系食宝勒巷人气泰菜Soi 29, 不过人龙实在太长所以同朋友打退堂鼓, 临时望下openrice睇下附近有咩好食, 见到呢间夜首尔评分好高, 所以行去望下, 见个格局唔错而且都好多客, 所以二话不说问店长有冇位, 好彩有四人枱而且仲畀左个独立房我地，我估系冇晒枱先畀个房我地( 果晚系星期五晚peak hour )。叫左个薄切五花腩、调味牛肋骨(韩式长切法)、韩式猪手、辣炒年糕，当然唔少得酱油蟹。酱油蟹两只$460，其实同首尔食一样价，我仲以为香港食一定会贵过韩国食，不过D 蟹膏就唔及我系首尔韩女士食既咁多。辣炒年糕非常好味，好烟UN味道亦唔会太辣，个牛肋骨肉质冇得输。唯一系叫错左薄切五花腩，应该系要叫厚切，因为佢地唔知点解畀左一个只有圆周边有孔既铁板我地，正常应该系一个连正中位置都有孔既铁板先系最正统，所以个五花腩接触唔到火所以烧极都唔靓，仲要出水，希望店舖注意下。价钱唔系平，但整体食物都系合格既。