影片
更多
2014-11-15
1026 浏览
吹鸡!!! 吹鸡!!! 9月之星生日会+冲绳最强手信派送会!!! 台山四宝全体人员紧急招集!!!原本猫兄去咗红X拎位, 点知我去到时佢气冲冲话要走, 因为红X职员挂住玩手机唔理会佢, 等咗几分钟都无打算为佢安排入座...落返平路(红X要上夺命斜), 同一大厦, 仍有2间韩烧, 我地2只迷途羔羊, 被第一间店的老板锁定, 走唔甩...案发经过...成件事其实都充满趣味嘅, 只要你唔激心的话, 2位平时疑心极重的中女, 可能饮咗XX口服液, 顿时变低智羔羊, 加上老板中英韩语风趣拉客, 笑到我地肚弯, 无晒防犯太容易相信人喇...老板Hard Sell隔离间韩烧店系Same Company, 意味你唔需要向前行, 当时都有骗案Feel, 心谂"你话系就系呀?!!"... (之后职员又真系过去隔离间韩烧店买啤酒过来)系门口睇餐牌期间, 见到韩国烧鳗鱼, 上星期睇滋味行咁啱就系睇烧鳗鱼睇到流晒口水, 令到我好想入去试... 当时老板仲强调鳗鱼Come from Korea, Not China... (入到去Order烧鳗鱼, 职员话未有货, 顶!!! 好想即刻转身走)老板Hard Sell自
原本猫兄去咗红X拎位, 点知我去到时佢气冲冲话要走, 因为红X职员挂住玩手机唔理会佢, 等咗几分钟都无打算为佢安排入座...
落返平路(红X要上夺命斜), 同一大厦, 仍有2间韩烧, 我地2只迷途羔羊, 被第一间店的老板锁定, 走唔甩...
案发经过...
成件事其实都充满趣味嘅, 只要你唔激心的话, 2位平时疑心极重的中女, 可能饮咗XX口服液, 顿时变低智羔羊, 加上老板中英韩语风趣拉客, 笑到我地肚弯, 无晒防犯太容易相信人喇...老板Hard Sell隔离间韩烧店系Same Company, 意味你唔需要向前行, 当时都有骗案Feel, 心谂"你话系就系呀?!!"... (之后职员又真系过去隔离间韩烧店买啤酒过来)
系门口睇餐牌期间, 见到韩国烧鳗鱼, 上星期睇滋味行咁啱就系睇烧鳗鱼睇到流晒口水, 令到我好想入去试... 当时老板仲强调鳗鱼Come from Korea, Not China... (入到去Order烧鳗鱼, 职员话未有货, 顶!!! 好想即刻转身走)
老板Hard Sell自己系Best Korean BBQ in TST... 其实都几警讯Feel, 不过当时已经笑到肚痛, 是但啦, 比次机会啦...
小肥羊... 入o黎啦... 入o黎啦...
刚开业3日, 暂时Cash Only...
小圆铁皮枱系咪好韩剧烤肉店Feel呢?!! 但我地唔系坐呢边!!! 我地被安排坐靠墙位, 要同陌生人背贴背不特止, 仲要背推背!!! 我仲比后面个男仔猛力批肘落腰, 痛到叫咗出o黎, 虽然对方之后有Say Sorry同提高警戒, 但我都伤啦...
前菜得3款, 胜在美味爽脆, 面酱白菜仔好味... 生菜包无另外计钱, 几新鲜... 调味有蒜片青椒面酱鱼露, 够地道...
店员不太懂中文, 英文都要估估下... 下单时是有点沟通障碍...韩牛拼盘 $380
-- 韩剧中经常将韩牛推捧到天上有地下无, 我今夜幻想破灭... 仲要开头比我地果碟韩牛唔系呢碟, 牛肉个边变咗色, 无得烧鳗鱼已气顶, $380几片肉, 你比咁嘅货色我?!! 我要求换过2片牛, 估唔到, 职员真系照换, 有点意料之外... 坦白说, 牛味不足, 肉质亦不够软腍, 其实不难吃, 但总是欠了一点点灵魂... 猫兄笑我食惯和牛, 唔系日本A4就澳洲M7, 仲要食无腌的和牛配喜玛拉雅岩盐...
五花肉 $110-- 罪恶使者!!! 看到50%以上的肥膏, 有点不想吃...
烤成金黄色后, 却令人垂涎欲滴... 入口甘香, 我的减肥大计如何走下去?!!
脊骨土豆汤 $280-- 极大量面豉, 有点咸, 拌白饭较佳... 极巨型里脊, 大量薯仔, 食完好难唔饱到晕... 但系台山四宝食力惊人, 仲追加拉面 $20, 点知... 系原装出前一X, 职员系大家面家撕开包装, 掉个面落土豆汤... 又一幻想破灭...
啤酒 $25-- 职员话Beer Pay Cash Now... 比咗$25佢, 即跑咗出大门外... 猫兄大惊问我比咗几多钱佢, 我话$25, 大家正估计职员系咪跑去便利店, 职员带著啤酒跑返来, 仲有张浦村韩国料理的Invoice...
整体味道过得去, 不能说很好, 也不难食, 开业第4天, 相信无论服务或味道都有很大进步空间... 还有说好的韩国鳗鱼呢...
张贴
