影片
更多
2022-10-04
18 浏览
🇭🇰Hong KongAverage expense pp: $1680 pp📍Address: 赏樱, CentralOmakase系试过视觉与味觉嘅一场享受，由食材嘅挑选、去到师傅嘅烹调方法，都感受到餐厅几用心，算系目前为止食过最出色嘅omakase😋前菜分别系烧木干鱼、炸白虾、马粪海胆配螺佐莼菜、黑瑰贝，摆碟非常精美。刺身部份其实非常多，首先深海池鱼配海苔酱，海苔酱提升池鱼嘅鲜味。粒贝配上柚子酱，带出粒贝嘅鲜甜，不需要任何酱油已经非常美味。帆立贝配海胆粉，呢种海胆份师傅用一个钟用三盒新鲜海胆炒，果然花足心思。太刀鱼烧炙方式，带出鱼油嘅香味。值得一赞嘅系采用鲜奉县生蚝🦪，配佐梅酒+柚子酒啫喱、云呢拿味鱼子酱（特别用分子料理制成），生蚝肥美鲜甜外，再加上一分梅酒嘅醇香。刺身部份陆续有来，所以呢个价钱可以食到咁高质嘅食材，性价比相当高！金飞鱼籽真鲷鱼拖罗好肥美，入口油腔满溢。松叶蟹蟹冻加马冀海胆，新鲜鲜甜。秋刀鱼，平日比较少见秋刀鱼会作为刺身，特别。牡丹虾再加上虾膏，入口虾味浓郁！中间萝卜丝装饰系深女美，第一次见到天然红色萝卜丝🌸狮鱼，即系油甘鱼成长到比较肥美，入口爆油🤯蕃茄甜度8度，
Average expense pp: $1680 pp
📍Address: 赏樱, Central
Omakase系试过视觉与味觉嘅一场享受，由食材嘅挑选、去到师傅嘅烹调方法，都感受到餐厅几用心，算系目前为止食过最出色嘅omakase😋前菜分别系烧木干鱼、炸白虾、马粪海胆配螺佐莼菜、黑瑰贝，摆碟非常精美。
刺身部份其实非常多，首先深海池鱼配海苔酱，海苔酱提升池鱼嘅鲜味。粒贝配上柚子酱，带出粒贝嘅鲜甜，不需要任何酱油已经非常美味。帆立贝配海胆粉，呢种海胆份师傅用一个钟用三盒新鲜海胆炒，果然花足心思。太刀鱼烧炙方式，带出鱼油嘅香味。
值得一赞嘅系采用鲜奉县生蚝🦪，配佐梅酒+柚子酒啫喱、云呢拿味鱼子酱（特别用分子料理制成），生蚝肥美鲜甜外，再加上一分梅酒嘅醇香。
刺身部份陆续有来，所以呢个价钱可以食到咁高质嘅食材，性价比相当高！金飞鱼籽真鲷鱼拖罗好肥美，入口油腔满溢。松叶蟹蟹冻加马冀海胆，新鲜鲜甜。秋刀鱼，平日比较少见秋刀鱼会作为刺身，特别。牡丹虾再加上虾膏，入口虾味浓郁！中间萝卜丝装饰系深女美，第一次见到天然红色萝卜丝🌸狮鱼，即系油甘鱼成长到比较肥美，入口爆油🤯蕃茄甜度8度，果然清爽多汁，一解油腻。最后师傅俾咗双重拖罗，有酿过嘅中拖罗包炙烧大拖罗，包住脆紫菜食满足拖罗嘅欲望！
一品料理，籽池鱼好稀有9-10月份先有，配香叶汁，比较多籽，估唔到打开鱼皮全部都系鱼籽，鱼肉好绵滑。寿司部份，金目鲷鱼边，非常罕有，需要师傅精细刀工！毛蟹寿司，加上蟹膏，用旧厂生产嘅豆皮包住，豆味非常浓厚。刺身级银雪鱼，明太子，牛奶味比较香。吞拿面肉，撒上京都七色芝麻，配上日本生菜，口感比较烟靭。青鱼配上最新鲜个款准山蓉，颇特别嘅食法。唔讲唔知，平时嘅紫菜如果包饭太耐，其实会变软变腍，影响寿司嘅口感。昆布米纸，用昆布同埋米纸压制而成，比平日嘅紫菜多一份米香，包住海胆份外鲜甜。
最后饮返一碗大虾汤，充满虾嘅味道。甜品系静岗蜜瓜，个人非常喜爱香芋糯米糍配热情果分子料理，上面紫色嘅热情果珠珠系师傅悉心制成，香芋亦系分几次打磨清蒸出嚟，所以糯米糍充满香芋嘅清香微
张贴
