火鍋英雄 (已結業)

天气寒冷，令人想食返餐暖下身，马上谂起麻辣火锅。拣左铜锣湾火锅英雄，地点好方便，地铁站一出行两三分钟就到。系大堂已经见到一大盘干辣椒，令人食指大动。座位很宽敞，坐得十分舒适。首先有八个小前菜，真好，一路睇餐牌食住慢慢拣。而且前菜都做得好出色，好味道！我地拣左鸳鸯锅，一边辣一边唔辣，可以试多样口味～重庆麻辣拼25年陈年花雕醉乌鸡锅鸭血- 食麻辣火锅必选项目啦，正！英雄牛肉拼盘，呢个拼盘绝对系超水准之作，全部都系靓材料，品尝到唔同部位，有和牛，有胸腹肉，各有不同既口感，有入口即溶的，又有爽滑弹牙的。必食推介洛神花茶猪爽喉，鲜黑毛肚- 好爽脆，呢两样唔系间间火锅有得食，唔好错过～鲜桂花鱼片，酥炸响铃- 火锅多数都系提供鲩鱼片，但呢度有鲜桂花鱼，点可以错过招牌鱼腐，鲜鹅肠招牌四宝丸韮菜水饺，冻豆腐-放落汤，吸收晒d精华四川绍粉，口感似薯粉，配麻辣汤，好美味！