影片
更多
2018-02-10
208 浏览
潮流当然不止用于时装发型，就连食都一样要跟得上潮流。最近，网上谈论嘅呢间台式餐厅桃园眷村，评论有好有坏，咁点都一定要嚟试下佢究竟系龙定凤啦😏位置喺朗豪坊嘅4楼，沿著扶手电梯上就见到，非常方便。餐厅以开放式坐位设计，自助式点餐取餐方式营运。谂好想食咩就去柜台落单，之后会有个取餐器比客人，响嘅时候就去拎嘢食咁。虽然呢度食嘅嘢都系台式早餐店嘅嘢食，我哋两个嚟食晚餐㖞，梗系咩都double份量啦！首先嚟个咸豆花，原来大少系未食咸豆花嘅，所以一定要叫比佢试下啦！台式咸豆花同平时香港食到嘅上海咸豆花唔同，多好多配料。呢度嘅就有紫菜碎、虾皮、菜甫、香葱、炸透哂嘅油炸鬼碎同埋佢哋嘅辣椒油同醋！最近睇咗好多有关呢间餐厅嘅评语话个咸豆花麻麻，但我同大少两个都觉得好有惊喜，真系好唔错！味道系非常适中，唔系一味浓味面盖过本身豆花嘅味道。配料一啲都唔吝啬，全部份量都够每啖豆花都有配料一齐食；辣椒油唔会死辣仲好香。豆花滑捋捋加埋爽口嘅菜甫，脆卜卜炸透咗嘅油炸鬼碎，口感更正！接着就叫咗两款烧饼试吓，第一款系店员推荐嘅蔬果沙律烧饼。最初听到嘅时候觉得，咦！怪怪地咁，烧饼不嬲都系配下蛋呀鸡腿呀咁，配沙律会唔会好奇怪呀？
位置喺朗豪坊嘅4楼，沿著扶手电梯上就见到，非常方便。餐厅以开放式坐位设计，自助式点餐取餐方式营运。谂好想食咩就去柜台落单，之后会有个取餐器比客人，响嘅时候就去拎嘢食咁。
虽然呢度食嘅嘢都系台式早餐店嘅嘢食，我哋两个嚟食晚餐㖞，梗系咩都double份量啦！
咸豆花
$32
17 浏览
0 赞好
0 留言
首先嚟个咸豆花，原来大少系未食咸豆花嘅，所以一定要叫比佢试下啦！台式咸豆花同平时香港食到嘅上海咸豆花唔同，多好多配料。呢度嘅就有紫菜碎、虾皮、菜甫、香葱、炸透哂嘅油炸鬼碎同埋佢哋嘅辣椒油同醋！最近睇咗好多有关呢间餐厅嘅评语话个咸豆花麻麻，但我同大少两个都觉得好有惊喜，真系好唔错！味道系非常适中，唔系一味浓味面盖过本身豆花嘅味道。配料一啲都唔吝啬，全部份量都够每啖豆花都有配料一齐食；辣椒油唔会死辣仲好香。豆花滑捋捋加埋爽口嘅菜甫，脆卜卜炸透咗嘅油炸鬼碎，口感更正！
蔬果沙律烧饼
$36
19 浏览
0 赞好
0 留言
猪扒蛋烧饼
$48
27 浏览
0 赞好
0 留言
接着就叫咗两款烧饼试吓，第一款系店员推荐嘅蔬果沙律烧饼。最初听到嘅时候觉得，咦！怪怪地咁，烧饼不嬲都系配下蛋呀鸡腿呀咁，配沙律会唔会好奇怪呀？点知系非常非常有惊喜！佢除咗菜、青瓜同蕃茄之外入边仲有啲提子干，个提子干完全做到一个点睛嘅作用！加埋佢哋本身嘅千岛酱，同埋自家制嘅花生水真系非常match！我同大少系以光速去K.O.咗呢一个烧饼！
另外一款烧饼就系猪扒蛋烧饼，反而呢款就冇蔬果沙律𠮶份咁正！可能因为鸡蛋比较湿，令到个烧饼淋咗啲，冇咁脆口喇！
台式香肠葱蛋饭团
$42
25 浏览
0 赞好
0 留言
肉燥卤蛋饭团
$32
20 浏览
0 赞好
0 留言
饭团我哋都系嗌左两款，一款就系肉燥卤蛋饭团，令一款系台式香肠葱蛋饭团。有啲网民话佢啲饭团冻冰冰，我唔知咁啱咁桥定系乜嘢，我哋食嘅饭团系热嘅，虽然唔知于话热到辣手，但系食落去系暖笠笠嘅！
个肉燥卤蛋饭团我都几推荐，味道非常好，可能系因为肉燥比较油嘅关系，令到个饭团唔系好够黏。饭团入面除咗肉燥同卤蛋之外，一样有炸到透哂嘅油炸鬼碎，每啖咬落去嘅时候都有脆卜卜嘅声音出现；大少就最钟意食台湾肠，所以都点左呢一个台式香肠葱蛋饭团。呢款嘅饭团就够黏力喇！有佢最钟意嘅台湾肠，佢就一定会觉得够哂好味㗎啦🤣
红枣豆浆
$24
11 浏览
0 赞好
0 留言
饮品方面我就点咗呢一个红枣豆浆，好多人都话佢冇乜味，我真系觉得有红枣嘅香味，亦都系有啲红枣嘅渣嘅。佢唔会系好甜，咁样唔系仲好咩？起码肯定佢哋唔会系一味落堂去调味啊！大少就麻麻哋豆浆所以我就一个人清晒佢喇🤤
总括来讲，真系要同呢间餐厅做个平反。Overall啲食物都系好味道嘅，我就未食过上海𠮶间唔知道系唔系真系𠮶间好味啲啦，但以单独食呢一间嚟评价，我就觉得真系都唔错啦！而且香港比较少有呢类型嘅台式早餐店，都值得一试啊😉
张贴
