影片
更多
2025-02-02
11 浏览
新年想去路德围笃串鱼蛋食，点知帮衬开嘅都冇开，机缘巧合就入左哩间车仔面店。嗌左个自选5𩠌车仔面加野饮（萝卜/ 韭菜/ 猪肠 / 韭菜饺/ 金沙骨），萝卜太大旧唔入味 / 猪肠太瘦，难食 / 韭菜同韭菜饺都算正常。侍应送碗面上黎嘅时候同我讲争个金沙骨（我都明白炸野要等耐啲），好啦食完晒成个面个金沙骨都未上，我就问吓佢地做紧未，之后个侍应冇答我然后拧转身行去厨房问，一阵之后就拎左碟金沙骨出黎，仲话唔知系我嘅。即系碟野其实做好左但一直冇送黎，讲到好似我有问题咁。其实果阵仲有个野饮未到咁我就顺手追埋，点知个侍应话点解唔一次过追，搞到佢要行多几步。老实说，我干哽晒成个面依临尾先有野饮又真系几委屈你地要行多转㖞。下次洗唔洗我入埋厨房渌自己个面，出埋杯野饮比自己？跟餐收得我10蚊罐可乐我就期望佢有基本嘅服务啦，与其受佢气不如食完自己过隔离7仔买好过，仲要平啲。好啦讲返个金沙骨，好咸结论系如果想生肾石同时又有被虐倾向嘅人，哩间系一间唔错嘅餐厅
嗌左个自选5𩠌车仔面加野饮（萝卜/ 韭菜/ 猪肠 / 韭菜饺/ 金沙骨），萝卜太大旧唔入味 / 猪肠太瘦，难食 / 韭菜同韭菜饺都算正常。侍应送碗面上黎嘅时候同我讲争个金沙骨（我都明白炸野要等耐啲），好啦食完晒成个面个金沙骨都未上，我就问吓佢地做紧未，之后个侍应冇答我然后拧转身行去厨房问，一阵之后就拎左碟金沙骨出黎，仲话唔知系我嘅。即系碟野其实做好左但一直冇送黎，讲到好似我有问题咁。
其实果阵仲有个野饮未到咁我就顺手追埋，点知个侍应话点解唔一次过追，搞到佢要行多几步。老实说，我干哽晒成个面依临尾先有野饮又真系几委屈你地要行多转㖞。下次洗唔洗我入埋厨房渌自己个面，出埋杯野饮比自己？跟餐收得我10蚊罐可乐我就期望佢有基本嘅服务啦，与其受佢气不如食完自己过隔离7仔买好过，仲要平啲。
好啦讲返个金沙骨，好咸
结论系如果想生肾石同时又有被虐倾向嘅人，哩间系一间唔错嘅餐厅
张贴