Salt Recipes (已結業)

呢个餐厅位置较隐蔽，系喺一间店舖再入，唔系咁易见到，平日夜晚去人唔多，环境宽敞，食物有质素，服务又好，同几个闺蜜一齐食野饮野倾计，好舒服！柑橘小萝卜沙律（$88）一嚟到已经眼前一亮，色彩鲜艳，卖相一流，加左柑橘落去，好新鲜好fresh！白酒辣忌廉烩蓝青口（$125）呢个绝对物超所值，青口好嫩，个汁超好饮，点面包食索晒啲汁好正！焗挪威鲜鱼批（$88）卖相无乜特别，但却出奇地好食，每一啖都系满满嘅三文鱼！烤西班牙黑猪颈肉（$248，跟餐）要左7成熟，肉质好嫩，唔鞋口。海鲜焗酿蚬壳粉（$158，跟餐）呢个又系好好食，有8粒大大粒嘅蚬壳粉入面酿满打碎左嘅海鲜，再加埋啲茄汁同芝士，酸酸地又唔觉漏㖞！芬兰海盐苹果金宝（$38）热食嘅苹果同肉桂系最住拍档，再加埋云呢拿雪糕半溶嘅效果，真系无得输，份量比较少，但当浅尝更好。另外仲叫左啲cocktail。