Salt Recipes (已結業)

今日係元朗番工 放工就同埋朋友黎元朗食野呢間野個入口係另一間鋪頭入面以為呢啲西餐會好貴 但係佢晚餐個dinner set 係130-200左右 有主食湯同野飲價錢可以首先飲左個湯 湯好濃 然後軟殻蟹天使麵 不錯 下次如果想平食西餐推薦呢間啊

上星期食晚餐，一個月前經open rice book左去到話冇record，我出示證明後，員工再安排臨時搭張圓枱給我。我枱位置近餐廳牆身，但偏污糟，格局有點奇怪。點食物到上菜需等25分鐘，以為慢工出細貨。但上餐後中伏，味道唔想講，蝦意粉，西餐用大湯碗上菜都心知不妙，2隻蝦都霉，意粉量少偏硬。味道與價錢不成正比。不會再幫襯。

第一次食，諗住試下，7:30入嚟，8:45就已經話last order，話店9:30要清潔，轉頭就俾埋張單你埋，然後9:00就問你D嘢仲要唔要, 連碟都收埋，叫人点會有餐安樂飯食，所以無咩心情，連相都唔相pose

今天下午時間同友人去yoho mall行下街、食下嘢，想揾間特別同有特色嘅，所以去咗哏間整北歐菜嘅餐廳呢間餐廳係喺一間homeless 家具精品店入面，大家可以食嘢之前睇一睇，也是一種樂趣餐廳入面裝修幾有特色，大大玻璃窗，陽光充足 食嘢都開心啲入口香滑， 但小薯蓉， 啲魚也比想像中少。一種是炸薯角，另外係炸蕃薯條，色澤金黃，又香又脆， 啱曬我條脷😎 食到脷損都抵另外有兩杯透心涼特色嘢飲石榴梳打 /青檸柚子梳打啲嘢食ok，環境又休閒，嚟多幾次都冇問題

今次去元朗搵朋友仔食飯，佢帶左去一間係yoho既隱世餐廳，點解係yoho但又叫佢隱世，係因為佢位於一間餐廳既入面，要搵下路先會知入面有一間餐廳。朋友推薦我食挪威鮮魚批同埋呢個檸檬香草意大利飯配三文魚。講真個意大利飯就無乜特別，唔係特別好食普通到不得了，不過我唯一中意既就係佢既野食都好熱辣辣，夠熱點都好過凍冰冰既飯！相反朋友推薦既焗挪威鮮魚批就真係10分出色啦，一啖又一啖配埋佢上台既椒鹽十分出色，雖然一個真係好大份但真係會不知不覺間食晒成份！

2018年最後的晚餐，當然要食豪華一點啦!所以就走左去試下元朗yoho mall 既一間裝修幾好既西餐廳，結果就不過不失啦。頭盤我地叫左個鹽磚油甘魚他他配檸檬欖油汁，第一次咁樣試食，鹹鹹地酸酸地幾開胃，不過嫌份量比較少，不太夠食。鹽磚油甘魚他他配檸檬欖油汁($98)之後就叫左一個三色德文群蟹肉。蟹膏意大利飯，一碟幾特別既菜式，佢分左三樣唔同既配搭試，分別有意大利飯、串燒同蟹膏，一次過可以滿足三個願望，感覺幾特別，有驚喜，都推介大家可以試一試呢個。三色德文群蟹肉。蟹膏意大利飯($158)而主食方面，就叫左兩樣，第一樣就係烤美國牛扒烤美國牛扒($198) 叫左7成熟，味道正正常常，沒有甚麼特別，不過不失。特別喜歡他們的薯蓉，可能自己本身都鍾意食薯蓉，所以覺得好好味。另外，就叫左海鮮串配意大利麵，個個串串幾特別搞笑，而且咁樣配出黎賣相加分，味道幾好食。海鮮串配意大利麵($158)呢間主要係食環境，份量同味道就真的是一般般，沒有甚麼驚喜，不過不失。最岩就係情侶或者紀念日黎呢到食都唔錯。

要在yoho mall搵餐廳食飯唔係難事，但要搵間安安靜靜坐得舒適的就係一個小難題😂哩間店設於家品店的角位，人流比起外面的餐廳小。而且樓底比較高，空間感充足，如果有帶bb車的朋友，我覺得哩度係一個唔錯的選擇。海鮮串意大利粉 （7/10分）海鮮份量充足，有青口、炸蠔、蜆，雖是冷藏貨，但個調味做得唔錯。意粉份量比較小，但用油炒得幾乾身，而且味道不錯！👍🏻炸魚薯條配芥辣醬（7/10分）雖然個炸魚外表一般😂 但食落粉漿唔厚，個魚又有魚味，幾好食！ 另外，有甜薯做既薯條，超好食，又有平時食開的薯角，口味唔會太寡！係一道好適合叫黎share 的主菜。下次會再黎試下個brunch menu🤣

Homeless 內找 Home 的味道在鄉郊地區工作的我們，午飯都是公司提供，吃得好啖啖能外出午飯是非常感恩。 YOHO Mall能試的餐廳都試過了，今日發現了一家隱世餐廳藏在傢私傢具店內。環境: 整家餐廳的設計完全融入Homeless店，可見牆身有不同傢具小擺設。餐廳座位不多，每個座位之間亦算寬敞。午餐 : 分了5個不同價位($68 / $88/ $98/ $128/ $138) 的餐，若要餐湯沙拉或前菜，再加一杯指定飲品，需另加$20。餐湯酸酸的羅宋湯為開飯前暖暖肚，非常醒胃，增加食慾。檸檬香草意大利飯配三文魚粒不小家的三文魚粒配creamy的意大利飯。三文魚煮至剛熟，外香內嫩，魚肉不會過生過乾身，剛剛好！烤美國西冷扒 (220g)西冷扒以烤蕃茄，薯蓉，筍伴碟，牛扒油脂不會過多，煮至7成熟剛剛好！牛扒在未加上醬汁前亦有牛香，更有香烤味，就可知牛的質素！炭烤1/2法國野雞配烤新薯烤雞稍需時間準備，所以要久等一點。雞一上，皮是黑的。切一口雞腿部份，嘩，皮脆油脂少，再加上炭燒香烤香草味十足，腿部的肉質多汁夠鮮嫩，真是十分有驚喜！總結，午餐雖可選的種類少，但質素高且價錢合理。三人連加一

與太太晚飯，早兩日電話預約，到埗才發現其實無需要😂😂 地方比外面看到的大得多。環境闊落、安排了梳化位給我們二人，舒適的享用晚餐。平時不好海鮮的我、看到「三色蟹肉蟹羔意大利飯」、竟然有好想食的念頭😱太太點了七成熟肉眼。餐湯點了蕃茄什菜湯，茄味甚濃，其他人可能會覺得酸，但正合我意。我點的三色蟹肉蟹羔意大利飯，原來是分成蟹肉沙律、炸蟹肉球、蟹羔意大利飯。蟹肉沙律材料十足、入口唔腥，有驚喜。炸蟹肉球就不過不失。意大利飯好香、但不像是蟹羔的香⋯⋯不過見到飯底有點油，應該是融了的蟹羔吧。混入了蟹肉煮，軟硬適中，好味。太太的肉眼肉味濃郁，七成熟亦充滿肉汁，配上岩鹽非常美味。飲品點了曲奇奶昔，入口有車厘子和杏仁香味，有驚喜，好飲。甜品只有白桃雪條，沒有餐牌看到的apple crumble，有點失望😐 不過雪條都好美味。其他方面，不明為何水會早早放了在餐枱上，不會有塵嗎？

叫了兩客lunch主菜，已包餐湯和飲品1.南瓜湯，完全沒什麼特別，味道普通2.海鮮焗釀蜆殼粉，用上很大的蜆殼粉，釀有蟹肉，喜歡以蕃茄蓉作sauce，又有拉絲芝士，整碟好味😋😋😋，下次會再吃3.香蒜鮮魷魚意大利飯，餐牌應該要寫明是墨魚汁飯，或由侍應告知客人；上桌時，才知是墨魚汁飯，因墨魚汁是偏鹹的，故越吃越鹹，不太喜歡4.芬蘭焗芝士肉丸(隨團購送的，一客3粒)，高質素肉丸，依然好味😋😋😋，忘記拍照😅

再次與友人A相約到YOHO MALL睇戲入場前當然要先TEA一TEA大家都想食意粉，OPENRICE找到這間便來試一試餐廳走簡約的北歐風格，極高的樓底配上落地玻璃感覺很開揚，而且有自然光射入餐廳，很舒適看著黃昏的天空食下午茶，再和友人閒話家常，是很RELAX的感覺雜菜湯下午茶SET有餐湯或沙律可選擇二人都選了雜菜湯湯質感濃稠，蕃茄及蔬菜味道很濃而且材料很足，可以食到很多蔬菜粒，不錯SWEDISH CLAMS WITH SPAGHETTI 瑞典鮮蜆意大利麵 $128本以為是配普通的蕃茄醬或白汁落單時問侍應才知原來是以海鮮湯做SAUCE沒有很稠的醬汁，但味道卻很鮮甜又不會過濃味，食完亦沒有負擔感而且海鮮湯的配搭打破本人對傳統西式意粉的印象，頗特別GRILLED SQUID INK WITH CREAMY INK RISOTTO 香蒜鮮魷魚意大利飯 $128RISOTTO做到al dente口感，很有咬口入口CREAMY，墨汁的味道很香面層的翡翠苗也很新鮮，是FRESH的感覺食完竟然沒有絲毫膩感，是高質的RISOTTOFRESH LIME POMELO TEA 清新柚子茶就是一般柚子茶的味道

星期日下午2點去到，唔洗等位。餐廳座位闊落環境光猛，兩個人坐低傾吓計係一個唔錯嘅選擇。早午餐選擇唔多，套餐包括餐湯或沙律及一杯飲品，早午餐來說價格偏貴。墨魚汁炸魚薯條🍟甘薯條炸魚個皮好脆幾出色，但薯條好似係一早炸定唔係好熱。唔知係咪太油嘅關係兩個人都食唔晒，每人食咗一夠魚已經覺得好飽。黑松露扁意粉黑松露好香個汁好creamy，意粉好似係手打好有咬口。以呢個價錢來說食物水準一般，中規中矩。唔會特別想回頭。

一直都喜歡這北歐餐廳，皆因環境清靜，坐得又舒服，各枱之間也不會太近最愛平日放工後光顧，既可享受其寧靜，又可免費上網😁，服務員的專業態度，也不會作任何騷擾。但星期六/日會有限時用餐，這點要注意今次團購$200現金券送兩份「芬蘭焗芝士肉丸」，先說1. 焗芝士肉丸，好味😋😋😋，有拉絲芝士，一客有3粒2.三式德文郡蟹肉.蟹膏意大利飯$138，賣飛佛，水準依然，好味😋😋😋👍🏼蟹肉椒粒意大利飯，飯香好味，合我👍🏼熱烘烘的炸蟹球，弄得香脆彈牙，冇得輸👏🏼蟹肉芒果沙律也不錯3.啤酒炸魚配海鹽薯條$118，內裏的魚肉好味，可惜外皮炸得過燶，好像用了萬年油炸出來似的，很油膩

The environment of the restaurant is very nice in the sense that they have big windows that allow sunlights coming in, which is the favourite part that I like about the restaurant. The seats are also good enough with several sofa seats and not too crowded. Their coffees are good too with rich coffee flavour. I ordered their smoked salmon sandwiches with sweet potato french fries, which are both tasty and with a fairly good price. The sweet potato also offers a better and healthier option if you

This is a nice restaurant locates in a furniture shop - Homeless. It’s good to take a break there for considering your spending.We intended to have afternoon tea but there is no cake supplied, a little bit disappointed. (We should check before going in).The menu states “Brunch” only. We ordered fish & fries! The portion is good enough for three of us to share as afternoon tea. Salad not bad, fish tastes quite good, it served with potatoes chips & sweet potatoes fries. More crispy would be