龍麵館 (已結業)

是日为报答友人帮忙，系公司附近揾左间价钱合理又得体既餐厅请佢食饭一行三人平日八点左右到，坐满八成，门口见到乳鸽做特价$25，超抵食，当然一坐低即刻叫左两只先啦，上枱够热，味道够，但略嫌太瘦弱，不过咁既价钱唔会要求咁多，收货再黎三碟前菜，茄子，素鹅卷同鸡，买二送一，又系抵食之选，味道就不过不失，冇大惊喜，不过卖相唔错。之后就到主菜，招牌龙虾面，牛肉面，蚝饭，再黎个炸云吞，因为敏感关系我就冇食到龙虾面，不过斋睇样就唔错，龙虾够大只，友人都食到津津有味相反牛肉面唔得，汤太清肉太散，麻麻地，炸云吞一流，够脆够足料，而个蚝饭.....好腥，虽然好足料，好多只蚝，但系食唔落，滞销总括黎讲，食物唔错，环境一流，不过冷气有d 过大，上菜后好快吹冻晒，埋单每人唔驶三百，会再翻叮