語命Cafe (已結業)

平日无写食评习惯，但今次经验实在难忘，所以希望有兴趣去哩度用膳嘅食客要再三考虑。首先，叫左个意大利饭，啲米生嘅，叫厨房再煮多次都系生嘅。最后一半无食。然后叫左个小食拼盘，啲炸野好多都炸得太耐，有旧炸蚝，炸到一半黑左。其他野都炸得好差，学校小卖部都好过佢。仲有，坐到咁上吓，油烟味走严重，全场都闻到。除左我地，同场食客都有咳。走果时成件衫都成浸油烟味。要赞嘅系饮品唔错同埋服务几有礼貌，但我保证唔会再去。