影片
更多
2011-11-19
8 浏览
一行四人，买左团购黎八景岛食，最紧要系见到佢咁多生蚝款，谂住可以试下唔同味。食前已经成日睇住Openrice，心里已经打左好坏嘅打算。听闻话好冻，又冇热茶，所以喺公司已经装定1L热水，又带多件褛。又据闻会叫咩都唔黎。一入到去，见到枱面有四杯热茶，冷气亦唔系好冻，甚至要除褛添。心谂：「咦，好似有心改进咁㖞。」我地叫左好多蚝，叫左啲蟹脚，蚬，同一啲热食。首先上黎嘅系烧牛肉。都Okay嘅。(呢个时候心里抱有期望，谂住仲可以俾个笑面佢添)之后再上吉列蚝，喂，好Okay㖞，虽然唔系话超好，但任食黎讲我收货。但问题黎喇...上左一盘冻食(即生蚝、蚬等)。冇深究佢有冇黎齐咁多只蚝，但食第一只蚝...冇味嘅...食第二只...又冇味...食第三只...实在太令人愤怒喇!!!我地四个人，人人食左几只就唔再食，甚至叫佢地攞返走...中途插入左个海胆... Well... 有臭味啰...蚬，可能系个人问题，觉得有点呕心，所以食左一只冇再叫。蟹脚，可以话系全场唯一回本菜得黎又系食得入口。不过讲明，你要10只，佢有机会真系俾10只你，但3只系幼到你冇心机剪开，3个系无味嘅蟹脚连住个身位(即白色𠮶啲)。Well.
食前已经成日睇住Openrice，心里已经打左好坏嘅打算。听闻话好冻，又冇热茶，所以喺公司已经装定1L热水，又带多件褛。又据闻会叫咩都唔黎。
一入到去，见到枱面有四杯热茶，冷气亦唔系好冻，甚至要除褛添。心谂：「咦，好似有心改进咁㖞。」
我地叫左好多蚝，叫左啲蟹脚，蚬，同一啲热食。
首先上黎嘅系烧牛肉。都Okay嘅。(呢个时候心里抱有期望，谂住仲可以俾个笑面佢添)
之后再上吉列蚝，喂，好Okay㖞，虽然唔系话超好，但任食黎讲我收货。
但问题黎喇...上左一盘冻食(即生蚝、蚬等)。冇深究佢有冇黎齐咁多只蚝，但食第一只蚝...冇味嘅...食第二只...又冇味...食第三只...实在太令人愤怒喇!!!我地四个人，人人食左几只就唔再食，甚至叫佢地攞返走...
中途插入左个海胆... Well... 有臭味啰...
蚬，可能系个人问题，觉得有点呕心，所以食左一只冇再叫。
蟹脚，可以话系全场唯一回本菜得黎又系食得入口。不过讲明，你要10只，佢有机会真系俾10只你，但3只系幼到你冇心机剪开，3个系无味嘅蟹脚连住个身位(即白色𠮶啲)。Well... 好过冇... 呢个系唯一不断Encore。
跟住仲试左其他嘢食:
1. 乌冬，10蚊4包嘅货色，汤同面都冇味
2. 寿司，啲饭太酸，寿司料雪到姜硬，鳗鱼我冇食，但同行友人话有啲胶胶地嘅感觉
3. 鸡软骨，正常
Anyway... 你可以想像，呢间嘢唔食蚝，都唔知食咩好，食食下大家都冇瘾。
另外一题，餐厅内唔算多人，但你举手交纸仔或咩都好，都冇人会望过黎，啲人只系围喺厨房倾计。同佢地反应啲蚝冇味，就「哦」一声算数。
张贴