八景島橫濱駅前料理 (已結業)

買團購:預着很差的...油麻地彌敦道...八景島橫滨駅前料理...所謂的(自助歺)我們3月22日晚上...和6人巳預約晚上9:30-11:30(食自助歺:團購)$98.00/位,再加現場每位加一$20.00/位當我一行6人準時到達目的地,滿心歡喜入場,個個手起筆落...填紙交單之後,問題就來了...首先男待應一手拿來第一碗刺身,問我們是不是巳叫了(我們答是),跟著他行咗隔離枱問同一問題,結果就把第一碗刺身放咗隔籬枱,當時我們個個都O哂咀.....⋯⋯ 接著有很多很多不滿的問題(包括:遲來食物/食物質數差等...吾知係咪我哋9:30到(尾圍)所以D刺身食到有渣,還是師父切吾到D皮走呢?)好失望!三文魚頭在網上的相片很美觀,其他食物都很有睇頭,可是現場的實物,如你見到,實在慘不忍睹,細到1"1/2 X1"1/2 的SIZE.還有:佢哋話任飲汽水,情況是,只得罐裝橙汁任飲...最後一題:所謂佢哋的豬骨湯烏冬,只是一碗有豬骨湯味的普通烏冬...註#說明食到11:30...到咗10:30左右,就來收取加一的服務費.這間日本料理,吾會有第二次入內消費,無謂貼錢買難受!!!本人當時沒有即時影下相片給

本來想去打邊爐，但每間餐廳都人滿為患，唯有再到處走走。來到八景島橫濱駅前料理時，我已完全失去打邊爐的心情，就進去草率地解決是夜晚餐喇。店內人不多卻滿座了，事關他們安排兩個人的食客坐四人桌，又沒有「搭枱」做法，所以不算特別擠迫。眼看全店的顧客都在吃放題，可惜我食慾一般，加上價錢不吸引，每位$198，超出我的預算，我還是「散叫」了。我們吃了～蟹籽軍艦($8)：紫菜非常香脆，味道不錯。皇帝蟹棒壽司($12)：蟹棒沒甚麼蟹味，只屬一般。三文魚壽司($6)：三文魚不肥美，太薄了！芝士年糕($28)：超迷你，份量細小。味道佳，外脆內軟，芝士很香，那塊紫菜亦十分香脆，好。松葉蟹芝士米批($45)：這個值得一吃！焗得熱騰騰，芝士既多且香，松葉蟹不多，卻算有蟹的味道，米批很脆。整體而言，八景島橫濱駅前料理的刺身只是普通，但熟食還可以。

睇左之前既食評，已經冇期望。早左10分鐘去到，佢話一定要9點先入單，但其實係佢鐘慢囉，唔緊要，我等。到9點，先上蠔同海鮮。蠔係冇味同苦既！仲差過自助餐！刺身係冇味既，簡直懷疑自己味覺有問題。壽司舊飯ok,但上面舊魚都係冇味既。唯一好味既係熟食。吉列朱扒好味。冷氣都係凍，但有熱茶 團購價都要200幾一個，完全唔抵食！搵笨!

第一次試團購食海鮮, 朋友們為生蠔而來, 但主角真的有點失色!頭盤賣相吸引, 蝦和海膽也很鮮味, 以為是一間有水準的餐廳......第一輪魚生和蟹腳, 只能用恐佈來形容, 魚生擺明切頭切尾的剩餘物資, 肉眼都睇到有根, 蟹腳都不遑多讓, 冇味既螺肉和八爪魚好味, 有encore熟食的炸物比那些刺生還好味, 炸蝦和蠔唔油膩, 但小丸子和餃子就不要試了第一輪生蠔, 得個大字, 又不知命, 但沙O既沙, 苦O既苦......難食, 反而螺很新鮮第二輪魚生正常番, 有相為證, 真係好大對比, 再encore既蟹腳亦水準番番嚟, 咸咗少少, 但起碼有番蟹味!總括:刺生下面嗰啲冰真係令人食慾不振, 擺低已經見到出晒水......不知產地O既生蠔, 水準參差未到last 30 mins, 已經話last order, 出面又冇人等, 趕客之舉, 隔離枱早過我哋嚟又遲過我哋走, 唔公平囉!!團購都貴到咁, 寧願去酒店食buffet

我其實好懶, 所以以前貪玩 寫左幾次食評之後就無再寫過...但係 我真係忍唔住 要去寫食評唔係要話佢唔好食咁簡單而係希望 睇到呢個食評O既人 都唔好俾呢間野呃==============================因為呢間野個度寫 南非鮑魚, 生蠔任食... 又送和牛, 海膽又講到每日有十幾種生蠔俾你揀.... 好啦~~~~~ 一心就住... 都好似唔錯喎.... 貴少少都去試下啦==============================上黎睇完 食評.....都驚唔對路ga la....但係 我自我安慰自己..... 可能係人地要求高~~~~~~我呢D 食慣平民野.... 應該 OK 掛~~~~==============================去到.... 一開始...... 其實冷氣唔係凍....係D 食物凍~~~話咩 和牛..... 根本係百佳果D 西冷黑豚肉 係大昌 O既貨仔~~~~仲要得4.片....鬼死咁薄之後仲送 海膽... 唔可以話佢臭... 但一定係唔新鮮三文魚 就係 唯一可以入口的食物好啦... 之後 tick 生蠔....變哂中文 都唔係好識睇.

團購放題, 見呢間野有生蠔又有海膽和牛,梗係好正啦,貴少少都唔理啦,照去一坐低見到張生蠔紙就好興奮,從來未見過咁多款生蠔,係可以任食的!每樣叫左1隻黎試,另外其實冇乜野可以叫,刺身種類唔多,壽司都唔多熱食得果幾樣...頭盤送既三文魚+海膽似乎唔錯,係海膽唔太新鮮咁解好,黎啦黎啦,見到一大盤D生蠔好大隻喎,超興奮,馬上開始食,第一隻...已經冇味勁多沙第二隻...有SAN既, 一PATPAT, 又係冇乜味第三隻...苦既好啦算, 真係貪佢夠大隻先食到第3隻,之後已經放棄,好辛苦其他食物水準一般,但材料少得可憐,例如:海鮮炒烏冬得果2塊仔魷魚粒,豬骨湯烏冬居然係冇餸!壽司係一般下價壽司店既水平好難會番轉頭既放題,冇令人討厭,因為一食就見真章(冇心情影相)

一向鍾意食生蠔, 早排見有團購好似好抵食就買左2張, 本身諗住買多幾張, 好彩諗諗下驚唔好食所以淨係買左2張, 如果唔係真係喊都無謂, 買左之後先記得上黎openrice睇食評, 見得一篇講放題, 睇黎係岩岩開始做放題團購當宣傳, 篇食評講到好似好好咁等我仲抱好大期望, 點知希望越大失望大....順帶一提....我幾肯定第一篇食評係佢地鋪頭自己打(因為果d相係佢地放黎做團購既相), 而且睇返其他比好評既都係新帳號, 都係有讚冇彈, D相既野食又擺得特別靚, 唔洗講都知咩事...講返食物.....燒牛肉同吉列蠔, 刺身正常, 唔算特別好食, 不過相比起其他野.....已經算好好.....送既海膽有D怪味, 應該係唔新鮮我期待既生蠔.....完全冇味, 放左入口都唔知自己食緊咩.....食完呢碟之後都冇再點其他海鮮情況都係咁上下.....有D仲有陣雪味.....唯一好少少既就係蟹腳, 雖然細隻食既時候要D耐性, 不過起碼叫做有D味先啦......食完成餐完全冇野值得我影......

一行四人，買左團購黎八景島食，最緊要係見到佢咁多生蠔款，諗住可以試下唔同味。食前已經成日睇住Openrice，心裡已經打左好壞嘅打算。聽聞話好凍，又冇熱茶，所以喺公司已經裝定1L熱水，又帶多件褸。又據聞會叫咩都唔黎。一入到去，見到枱面有四杯熱茶，冷氣亦唔係好凍，甚至要除褸添。心諗：「咦，好似有心改進咁喎。」我地叫左好多蠔，叫左啲蟹腳，蜆，同一啲熱食。首先上黎嘅係燒牛肉。都Okay嘅。(呢個時候心裡抱有期望，諗住仲可以俾個笑面佢添)之後再上吉列蠔，喂，好Okay喎，雖然唔係話超好，但任食黎講我收貨。但問題黎喇...上左一盤凍食(即生蠔、蜆等)。冇深究佢有冇黎齊咁多隻蠔，但食第一隻蠔...冇味嘅...食第二隻...又冇味...食第三隻...實在太令人憤怒喇!!!我地四個人，人人食左幾隻就唔再食，甚至叫佢地攞返走...中途插入左個海膽... Well... 有臭味囉...蜆，可能係個人問題，覺得有點嘔心，所以食左一隻冇再叫。蟹腳，可以話係全場唯一回本菜得黎又係食得入口。不過講明，你要10隻，佢有機會真係俾10隻你，但3隻係幼到你冇心機剪開，3個係無味嘅蟹腳連住個身位(即白色嗰啲)。Well.

見到團購有八景島既任食生蠔魚生buffet咁鬼抵, 就即刻買咗 但再見到D食評咁樣, 真係有D擔心...... 十一月一日我地四個女仔出發去lu (其中一個友人生日)！油麻地地鐵站B2出囗，一轉彎就見到了！ 都好容易搵喎坐低後, 每人先上一份蟹子沙律(蟹子都幾多)、 海膽一條(夠完整又有鮮味)、三文魚冷面，味道都ok。之後，落order…我地期待嘅蠔上枱Lu! 都有好幾款，有d咸d、淡味d、肉厚身d…但總結都好鮮味 (就因為全部放埋一齊, 所以, 真係分唔到蠔款 不過. 我地都有問過個經理, 最記得係美國蠔比較多肉有質感, 法國蠔海水味重同細隻D) 三文魚刺身(夠肥又夠厚） 蟹腳(夠鮮味，但肉身稍淋) 螺(肉質較實,) 甘蝦(真係好好大隻呀 我地仲連續落咗幾次order)象拔蚌(ok)自己燒既和牛同豬 (幾特別)吉列朱扒(正) 鬆脆之餘, 肉質又夠淋雞軟骨(送酒一流)我地飲咗三支酒，個人覺得梅酒最好飲. (仲有, 要多謝個經理Sunny, free咗一支酒! 可能因為我地四個美女掛...... 哈哈, 其實係因為友人生日咋 )我地四個女仔食野又唔算多, 所以, 1

餐廳每天會book大約10枱團購客, 留下數枱reserve做街客, walk-in價錢為$388, 比團購價$258貴不少, 現場所見, 還真有街客來吃呢, 看上一篇食評, 原來街客可點壽司、串燒等, 而團購客是無的我們買了以下團購:$258於「八景島橫濱駅前料理」享用豪華環球海鮮放題，無限追加亞拉斯加皇帝長腳蟹、澳/法/美/南非生蠔、南非鮑魚、法國藍青口、翡翠螺、象拔蚌刺身、三文魚刺身等等！(原價$388) 嚴選食材，海鮮每日由法、澳、美、南非等地新鮮空運到港，品質保證！book了7:00pm至8:30pm的時段,大約7:10pm先入到場,因為要等之前一段時間的客走,而8:15pm左右就截單,到8:30pm反而可以坐多陣無人趕,因為已經無咩客walk-in了之前食評話無熱茶供應,而家已改善了,有熱茶飲,另外仲可以叫一杯青蘋果/桃/荔枝味飲品,都不算難飲第一盤生蠔,都不算等好耐,大約15min吧,三個人的份量有咁多,佢唔會比你寫個數量你,而是睇你人數來比,我地叫左幾款不同的蠔,法國澳洲美國都有,不過佢放埋一齊我地就唔係幾分到邊隻打邊隻,呢盤生蠔幾肥美新鮮好食,亦有一些海水味,應該是新

我全家都很喜歡吃生蠔，見到團購加上家姐生日就一齊來試下我一買左飛就訂位，所以非常容易訂到，我地一行6個2小，小朋友唔洗收錢小朋友冇咩野食到，只有d炸野同麵係佢地可以食既一去到就送o個d海膽同牛肉黎先，o個d真係唔錯之後因為佢有太多款生蠔我地又唔識分所以全部都寫6件，就可以一人分一件結果...總共黎左1x隻但樣樣都係1-2隻...其實你食完都唔知自己食左d咩蠔但好彩d蠔都新鮮既不過叫d野食真係最少有50%係冇左既話說我叫左3次吉列蠔，每次叫6隻結果佢1隻都冇出現過我家姐唔抵得~就特別用1張紙寫左1隻蠔我地先有機會見到呢d吉列蠔一面，你話幾"驚"貴呢千其唔好食青口，佢d青口勁難食一款就冇味，另一款就好似浸到發漲咁不過最唔好既就係樣樣都要收你錢開到冷氣勁大，你食埋d野又凍佢比你飲d野又甜又凍要杯熱水~都要收你10元d醬又係收你10元總之你要加野就要收10元.....

男友是11月之壽星又喜愛吃蠔～我這位跟得女友當然為他將羅～一般自助餐有蠔吃的都３００元以上，看到團購計落還不夠３００元時～立即買朋友要不要一起「蠔蠔佢」～早一星期訂位，才知道有時段限制～我們吃的是尾轉８：３０開始至１０：００正～晚上在旺角逛街時，電話響了幾次，接聽正是八景島的職員打來，詢問是否會去～關上電話時間為７：４５，跟男友打趣說：ｃｆｍ得好「早」ｗｏ！然後，８：００正跟友人一共３人已抵達門口，看門面９０分鐘～的自助餐並沒有特別標明價錢～我們等到８：３０沒有職員招呼，不過有食客自我ｓｅｒｖｉｃｅ，直接見ｔａｂｌｅ就走入去問是不是可以坐下～無他，當時看時間已經是８：３５了！到我們入席已經是８：４０，劃了紙交給職員，職員問經理：入得飛未？真是．．．哈哈哈！原來餐廳給我們自動推遲了時間啊？當時，我們三人很餓，叫東西，不知道為什麼前ｔａｂｌｅ後ｔａｂｌｅ都比我們慢卻食物已經上去～但是，我們等了又等都沒有，整個餐，我們ｏｒｄｅｒ了５次．．．當中只有事實只有３張ｏｒｄｅｒ，因為有２張ｏｒｄｅｒ不見了，我們重亥中ｏｒｄｅｒ～而且我們更像是小鳥一樣在等食物上來～送的佐賀牛，黑豬，味道的確很好，只不

晴朗的一天今日約左4位好友黎試試哩間..放題..?應該係奢侈的放題先岩..哈哈..一行5人訂左位..一入就坐低寫紙仔..食乜好..!首先..送左個和牛&黑豬用個鐵板輕輕煎一煎..正...!!!!個豬都係..睇到係好薄..但係煎起真係好味..!!!!和牛同豬感覺唔夠食..= =因為真係好味..!生蠔開好了..上桌了..嘩...雖然平時食BUFFET都食好多野..但係一次過咁多擺係桌上係第一次..好奢侈呀...生蠔唔似之前既食評咁講..好重海水味..感覺都新鮮&可以蟹腳..我女友同朋友都係咁食..哈..有蟹鉗TIM~!!車里蜆..我鐘意..可以一試~大甘蝦..加大版既甜蝦..我女友一食嗌左出黎..好甜呀..象拔X,三文魚,赤貝..總括都OK~唔錯~!個螺我就麻麻地喇..食食下..送既海膽..正呀..平時我出去自己買黎食都貴..大大隻一塊..唔似平時食既細細粒..味道超正..!感覺真係超滿足..海膽生蠔蟹腳三文魚..一次過係咁食..再嗌左D野食俾個唔食生野既朋友~個雞翼好食..個豬都好軟..好奢侈既一餐..好好味..野食上得都快..但係個半鐘少左D..野食係咁上..之後我地係咁食..唔肯蝕俾

因為團購關係,所以黎試食這間店,唔知係咪期望過高,所以都幾失望.事關佢所列明的生蠔名單中, 有6款我都食過, 大約都知市價多少,所以計下條數好似幾低就黎試,但我全晚所食的蠔,一隻都無海水味及鮮甜味,連澳洲的smoky bay都一d海水味都無, 我唔知佢係咪用淡水沖過, 但真係無味, 勉強只能講d蠔唔腥囉唔知係咪正式開蠔果個師父無返定咩原因, 所有蠔都附送蠔殼, 你見反光就係殼連車里蜆都有我無辦法用鮮味黎形用呢餐, 因為我完全感受唔到有鮮甜出現過.....叫做有d味道既係鮑魚片同甜蝦, 仲有佢送既加拿大海膽個送既三文魚沙律, 三文魚可以, 但隔離果堆所謂沙律係無味既...最後試埋熟食, 竟然係個吉列廣島蠔先可以用好味少少黎形容一下佢地有送一人一杯飲品, 但想問佢要杯茶, 佢話要加錢, 老闆話原因係個餐牌上有好多飲品可供選擇, 我笑笑口咁講左句明白晒除左食物, 基本上環境同服務都可以, 服務員有禮貌, 只係台面太細, 所以佢要不停咁收碟.佢分3個時段, 我係最早既時段, 唔知其他時段會唔會好d?

晚膳日期：29/10/2011 (2人)裝修：一般小日本餐館，場細、約6-8張4人桌，冷氣好凍，2人要座4人桌，因2人枱唔夠放食物。服務：服務員態度一般，出菜唔快，會主動收碟，並會問是否需要添加。我經Groupbuyer團購，用了$258(每人1.5小時) 購了「八景島橫濱駅前料理」超極上海鮮自助餐，所謂「瘋狂任食生蠔、南非鮑魚、皇帝蟹，再送佐賀和牛」和「入座即追加1客加拿大海膽及特飲」。以下是真實版之演繹：7:00pm-8:30pm，就算我們6:45到達，餐館內無人也不准先座。我們只好等到7:00正吧。入座後，店員很快便自動每人送上一客加拿大海膽、一碟四片厚切三文魚+魚翅沙律、一碟炸三文魚骨及鐵板牛及豬。飲品：所謂4選1特飲：桃味、青蘋果、荔枝及巨峰味糖水凍飲。唔啱飲，想叫茶，需加$10。自動送上之食物加拿大海膽：每人一片，我的很水，不新鮮及帶腥味；老公的較新鮮。三文魚魚翅沙律：四片厚切三文魚一般貨色唔特別，魚翅沙律賣相唔吸引沒吃。炸三文魚骨：下欄貨吃了少許。鐵板牛及豬：牛肉一般，豬唔得(跟豬肉檔買的差不多)任點任食玩法：店員會告訴你，1. 不論你寫4件或6件都好，廚房只跟人頭計。店