今晚來來雞煲火鍋料理 (已易手)

7:30Walk in 去左铜锣湾来来，明明成场得2张台都话full booking, refer 我去天后分店，仲话free的士钱同全单九折。去到成间铺得2台客，我地哎左一个麻辣鸡煲小辣，加少少火锅配料同白饭，鸡大概10分钟就唻左啦，配料等左25分钟先唻，白饭、薯粉最后成大半个钟先到整齐。呢度明明系卖麻辣鸡煲，唔知点解上左个鸡煲系沙爹味，仲甜甜地，落多一碟辣椒粉都无味，d鸡完全唔入味、唔香、唔惹味。$138安格斯肥牛约有10块，如果d肉靓，价钱唔系问题，但d肉色好明显唔新鲜，渌一渌，仲鞋到爆。。。四宝丸$58，每样得2粒，又细粒，求其一堆野pat落个碟，的呢度唔系酒店上菜唔可以要求有美感，但起码整整齐齐丫。个菜篮$68，d菜黄嘅，又有沙，水都无冲过，不知所谓。食到一半先放碟花生落唻，收返每位前菜加酱料$12，咁即系和返搭的士条数。根本无著数之余，仲要食垃圾。唔好话天后店唔会再唻，铜锣湾店都唔会再去！唔止比唔上小甜甜，连伤心酸辣粉都好食过佢。