影片
更多
2005-08-16
24 浏览
今日听我男朋友个五姨话呢间野好好食，同埋我男朋友想去满记食甜品，咪特登搭车去罗！去到见到个场面，几鬼多人，附近果几间就静now now ，谂住无介绍错啦！入到去，我地叫左个和牛(10安士)同神户牛柳(4安士)：-(1)我果个南瓜汤：劲难饮、劲啖！都唔知沟左几多次水，人地D南瓜汤会"杰杰"地，佢就好似水咁，合埋眼饮仲意埋系水黎既！男朋友仔饮左个吞拿鱼忌廉汤，比起我果个好饮好多！(即系比起饮水既话会有味罗！但都系唔好味，好淡！)(2)沙律：我系芝士沙律，本人对油同醋既物体劲唔钟意，佢个沙律落左劲多橄榄油，好似唔驶钱咁！我食左两啖之后俾左我男朋友食！佢果个系鸭胸沙律，我无食过，所以唔知好唔好食！(3)我食神户牛柳跟天使面：佢系用铁板上，一黎到己经见到D油满到泻，个店小二仲想"琳"D汁上去，未"琳"D油已经系咁弹下弹下，再"琳"汁既话我真系不敢想像块铁板会点，所以我就叫佢唔好"琳"啦！食果阵真系好辛苦，张台己经细，D油又系咁弹，完全唔系一种享受！块牛真系唔错，但佢地个汁劲唔掂！(苦嫁！你试过点牛肉既汁苦未？)块铁板太热啦！D菇呀、蕃茄呀全部焦晒！我系一个蕃茄兽黎既，都可以放弃佢，真系可想而知！
(1)我果个南瓜汤：劲难饮、劲啖！都唔知沟左几多次水，人地D南瓜汤会"杰杰"地，佢就好似水咁，合埋眼饮仲意埋系水黎既！
男朋友仔饮左个吞拿鱼忌廉汤，比起我果个好饮好多！(即系比起饮水既话会有味罗！但都系唔好味，好淡！)
(2)沙律：我系芝士沙律，本人对油同醋既物体劲唔钟意，佢个沙律落左劲多橄榄油，好似唔驶钱咁！我食左两啖之后俾左我男朋友食！
佢果个系鸭胸沙律，我无食过，所以唔知好唔好食！
(3)我食神户牛柳跟天使面：佢系用铁板上，一黎到己经见到D油满到泻，个店小二仲想"琳"D汁上去，未"琳"D油已经系咁弹下弹下，再"琳"汁既话我真系不敢想像块铁板会点，所以我就叫佢唔好"琳"啦！食果阵真系好辛苦，张台己经细，D油又系咁弹，完全唔系一种享受！块牛真系唔错，但佢地个汁劲唔掂！(苦嫁！你试过点牛肉既汁苦未？)块铁板太热啦！D菇呀、蕃茄呀全部焦晒！我系一个蕃茄兽黎既，都可以放弃佢，真系可想而知！个天使面一pat pat、又无味、又唔想点D汁(因为个汁真系好苦)，最后我都放弃，因为太难食！
男朋友要左个和牛跟菠菜面：简直系垃圾！佢黎既时候个店小二话呢块系安格斯，我都已经打左个突！同我男朋友讲，佢话算㖞，可能落错单！一睇个样已经唔掂(我地叫6成熟，佢黎8-9成，算！又多膏又多根，一块扒可以食既地方得果6-7成，算！)，食落口......垃圾！简直系柴黎既，街口间茶餐厅仲好食过佢！菠菜面无食过，唔知咩味！但睇落去唔系好掂(又系一pat pat)！
甜品：芝士蛋糕，我觉得呢个唔系cheese cake，系雪糕蛋糕黎！如果有贼既话，呢个可以用黎"博"湿佢！硬到要"叹"一阵先切到，但"叹"左一阵又溶㖞！食既时候心情真系好复杂！
雪葩：D味好似药水咁(唔系士多啤梨味！系橙味！你听过橙味药水未？！未既话可以试下！)又劲甜㖞！我试左一啖就唔试啦！
餐饮：水蜜桃绿茶，超甜！唔系好得！
咖啡：唔知！听我男朋友讲唔掂！
埋单$537，睇返张单，落既系和牛黎！唉！真系未试过牛系咁难食！店小二问我既评语，我真系唔好意思讲！
呢餐食到我同我男朋友一口泡，连满记都唔想食！我D减肥大计可以成功，真系要多谢呢间野啦！
同我男朋友"食后检讨"，佢话佢块扒唔好话和牛，连安斯都比唔上！唉！！！
张贴