影片
更多
2020-11-09
2401 浏览
想当年初尝祥兴都成10年喇，谂番由青年都变左中年，由人地男友变成人地老公，再做埋人地老豆，人生一切都不知不觉的变，而有人却故意原地踏步，呢间烧味铺就系一个好例子。今日做野经过深水埗，肚空空，本来想食个快快老麦填肥就算，行紧去嘅途中比我眼尾望到一间曾经好熟悉嘅烧味店，心头涌出无限嘅回忆， 伴著打大佬嘅心态（ 胆固醇），即时改向左走而唔向右走，走向呢间我以以日日揸车嚟食嘅老店食番餐。坦白讲，要沟囡要威就咪嚟呢度，呢度系比一d好清楚咩叫实而不华嘅、知道咩叫好食嘅、追求究极烧味性价比嘅人去食。门口十年如一日咁旧，入到去一样要走过溜冰场般嘅走廊，唔好expect有人走嚟问「先生小姐，今日想食d咩？」，醒目就一入门口大叫「 叉鸡饭多色」然后揾个位自己位低，有会有碗永远一样味嘅「 咸骨冬瓜赤小豆汤」同一杯洗餐具用嘅水摆喺你面前，呢刻千祈唔好急，唔好饮汤，因为一大碟热哄哄、好juicy嘅烧味饭由姐姐随即奉上。想当年我食双拼饭系32蚊送汤，10年后嘅双拼居然加左价，可恶！重要加6蚊咁多！38蚊有沙有饭真系想点呀？（36蚊单拼）因为铺租问题导致恶性循环，成本转价消费者， 出面啲烧味饭通常都系得十嚿八嚿肉，
今日做野经过深水埗，肚空空，本来想食个快快老麦填肥就算，行紧去嘅途中比我眼尾望到一间曾经好熟悉嘅烧味店，心头涌出无限嘅回忆， 伴著打大佬嘅心态（ 胆固醇），即时改向左走而唔向右走，走向呢间我以以日日揸车嚟食嘅老店食番餐。
坦白讲，要沟囡要威就咪嚟呢度，呢度系比一d好清楚咩叫实而不华嘅、知道咩叫好食嘅、追求究极烧味性价比嘅人去食。
门口十年如一日咁旧，入到去一样要走过溜冰场般嘅走廊，唔好expect有人走嚟问「先生小姐，今日想食d咩？」，醒目就一入门口大叫「 叉鸡饭多色」然后揾个位自己位低，有会有碗永远一样味嘅「 咸骨冬瓜赤小豆汤」同一杯洗餐具用嘅水摆喺你面前，呢刻千祈唔好急，唔好饮汤，因为一大碟热哄哄、好juicy嘅烧味饭由姐姐随即奉上。
想当年我食双拼饭系32蚊送汤，10年后嘅双拼居然加左价，可恶！重要加6蚊咁多！38蚊有沙有饭真系想点呀？（36蚊单拼）
因为铺租问题导致恶性循环，成本转价消费者， 出面啲烧味饭通常都系得十嚿八嚿肉， 呢度系畀出面一倍嘅肉你食，重要好食过咩咩推介好食好多，绝对系高级水准， 三黄鸡做嘅切鸡同油鸡系滑嘅又够味，葱油切得大大粒恰到好处， 叉烧皮香有少少焦肉嫩混元天成， 配菜系少见嘅炒芽菜简单直接地做到甘草绿叶呢个重要角色。每样都畀到好足料， 所以绝对系一个畀你食到饱，叹到够嘅用餐体验。
我今次难得经过所以叫咗份「皇牌四宝饭」食，妈啊， 除咗之前讲嘅，个烧腩仔入口真系好juicy，重点系所有肉都重系暖嘅，更甚者只咸蛋溏心黄油，真系令到叔叔不行了，食完邪恶到有信心去毁灭地球。
太子爷话呢度冇野好，系个价钱好，我心谂你见笑喇，如果你比垃圾人食，就唔会一日卖成百只鸡啦。我知道佢绝对有技术冲去同再兴、一乐、甘牌等等争一日长短，但佢选择默默耕耘， 用Canton Comfort Food守护住深水埗呢个老区嘅街坊同佢哋嘅胃口，呢种行为绝对配得上英雄呢个称呼。你地话我嘅第一次食评唔写佢，还谁呢？
皇牌四宝饭
$48
111 浏览
0 赞好
0 留言
张贴
