祥興燒臘飯店

营业中

休息中

一出深水埗站向荔枝角道前進用「裏香港」嚟形容依度最好不過人口老化 大大小小嘅二手地攤惡劣衛生環境 一棟棟舊唐樓燒味飯 好似幾個月無嚟依區已經無$1x嘅燒味飯一入門口 地下超級滑 應該係啲油滴晒落地下行每步都好小心先得在場食客全部都係五六十後大叔枱面清一色燒味飯配枝玻璃樽啤酒有啲愕然 之後先知原來個個自備酒水自動附上花生雞腳例湯燒鵝脾飯 $70呀姐每個客都會問你要唔要芽菜好少燒味配芽菜脾有啲肥 依個價錢算抵食 不錯不錯食到半途 坐對面嘅大叔已對完第三枝開始周圍同人講嘢……

中秋節前,朋友拉住我,要我帶她到祥興食燒鵝脾.今次我要免斬原隻燒鵝脾加半肥燶邊义燒飯.一口咬鵝脾,汁香四濺,飲杯凍啤,好爽.再珍而重之,品嚐久違了的肥肥哋,燶燶地最邊邊既义燒,焦香,麥芽糖香,油香,肉香,...太太香OMG!激發體內的快樂滿足感,急升出來.朋友食過斬件鵝脾飯後,本常只外賣一隻鵝脾($70)回家,員工大姐說了3次,只加20蚊,要下裝鵝脾啦,多好肉食嫁.朋友開心回答：好好好！太好了,就要下裝鵝脾。店內員工熱情,客人多是熟客,大家隔枱吹水,街坊老店氣氛。下次我會試燒肉.(*1中秋節前,朋友拉住我,要我帶她到祥興食燒鵝脾.今次我要免斬原隻燒鵝脾加半肥燶邊义燒飯.一口咬鵝脾,汁香四濺,飲杯凍啤,好爽.再珍而重之,品嚐久違了的肥肥哋,燶燶地最邊邊既义燒,焦香,麥芽糖香,油香,肉香,...太太香OMG!激發體內的快樂滿足感,急升出來.朋友食過斬件鵝脾飯後,本常只外賣一隻鵝脾($70)回家,員工大姐說了3次,只加20蚊,要下裝鵝脾啦,多好肉食嫁.朋友開心回答：好好好！太好了,就要下裝鵝脾。店內員工熱情,客人多是熟客,大家隔枱吹水,街坊老店氣氛。下次我會試燒肉.

今天到深水埗，做完野，成2點幾，心思思去祥興，食燒鵝脾飯。店長和兩位熟客大談人生要開心，食要食好味的,死要死得好。一面飲例湯，一面食燒鵝。初時微笑而不答.沉醉在享受嫩滑既燒鵝,抵呀,依家70蚊可食到一蝶有芽菜你伴碟既燒鵝脾飯.飽吃後,才表示十分十分同意他們的人生觀：人生如白馬過隙,能吃要吃自己喜歡的,想做就去做.離店前,溫馨提示大肚腩的兩位熟客,吃什麼就吃什麼,注意一下進食量,就冇問題.下次我會試半肥瘦义燒,燒腩肉...兩位熟客話,記住最好11點來食到最正既燒味.

油鸡好吃，但烧鹅就一般般。我是买外卖的，外卖加两块，员工的态度很好，虚言，他这家是深水埗中最贵的，但我觉得很好吃，就是那，烧鹅一般般，我吃过后我应该会在去买！我建议各位去堂食因为外卖要加两块！

想當年初嚐祥興都成10年喇，諗番由青年都變左中年，由人地男友變成人地老公，再做埋人地老豆，人生一切都不知不覺的變，而有人卻故意原地踏步，呢間燒味鋪就係一個好例子。今日做野經過深水埗，肚空空，本來想食個快快老麥填肥就算，行緊去嘅途中比我眼尾望到一間曾經好熟悉嘅燒味店，心頭湧出無限嘅回憶， 伴著打大佬嘅心態（ 膽固醇），即時改向左走而唔向右走，走向呢間我以以日日揸車嚟食嘅老店食番餐。坦白講，要溝囡要威就咪嚟呢度，呢度係比一d好清楚咩叫實而不華嘅、知道咩叫好食嘅、追求究極燒味性價比嘅人去食。門口十年如一日咁舊，入到去一樣要走過溜冰場般嘅走廊，唔好expect有人走嚟問「先生小姐，今日想食d咩？」，醒目就一入門口大叫「 叉雞飯多色」然後搵個位自己位低，有會有碗永遠一樣味嘅「 咸骨冬瓜赤小豆湯」同一杯洗餐具用嘅水擺喺你面前，呢刻千祈唔好急，唔好飲湯，因為一大碟熱哄哄、好juicy嘅燒味飯由姐姐隨即奉上。想當年我食雙拼飯係32蚊送湯，10年後嘅雙拼居然加左價，可惡！重要加6蚊咁多！38蚊有沙有飯真係想點呀？（36蚊單拼）因為鋪租問題導致惡性循環，成本轉價消費者， 出面啲燒味飯通常都係得十嚿八嚿肉，

用膳時間為10月25日晚上6時半, 店面清一色坐滿中年男性, 舊區中的老店也該如此。參考前人食評,本來因為二十多元的價錢太便宜有點卻步, 到達門前方知已加價到三十多元, 反而安心下來(有病), 前人的食評原來已是四年前, 哈哈。店內一如期望, 沒有冷氣而只有幾把積塵的風扇。地面黏黏的, 雜物、外賣用品隨處堆放。陳舊的桌椅, 坐下來時要很小心別摸到枱底等地方。餐具存放在飯桌下的抽屜裡, 打開時都有點膽怯, 幸而無事發生, 如果閣下住在附近大概外賣會比較穩妥。本人堂食一客燒肉燒鴨飯, 跟燒味飯奉送例湯一碗, 盛惠34元, 實為超值。燒肉: 半肥瘦帶點軟骨, 新鮮斬起, 皮脆肉嫩, 絕非頭頭尾尾堆砌而成, 調味相對比較淡。入口時仍然暖暖的, 油而不膩, 豬油的香味帶來很大的滿足感, 正呀！燒鴨: 分到鴨胸位置, 瘦而沒有多餘脂肪。雖然算不上熱辣辣, 入口時卻不會鞋口,大大啖的鴨肉不帶半點羶味, 食肉獸如我找不到可以挑剔的地方。白飯: 軟稔而水份適中, 上碟時熱度亦非常夠, 伴著燒味豉油吃也是一流。配菜: 有別於其他燒味店配的一條冷冰冰菜心, 此店配的是炒芽菜。本人平時擔心配菜沒有洗過而不吃,

街坊飯堂 點心排骨飯 腸粉自家拉 蔥香滑三餸飯 熱辣辣 滿枱都係餸 滿足眼球揀咗生炒骨 ~ 甜酸適中 菠蘿青椒足配料洋䓤班腩~實肉 包粉炸魚球 味較淡清炒椰菜花(福花)~清淡嘅菜香 唔油膩份量還算足夠 加錢都有例湯(水)餸菜種類多 都有水準嘅 食後冇口渴 好有住家feel白飯~ 就...飯粒又大又細 冇米型狀 冇飯香 黏黏立立 但飯身硬難分真與假 怕怕雖然有啲浪費 食餸飽就是

自從屋企樓下食開個間燒味無左之後，半年黎都無食過叉燒飯，雖然知道食開個間係深水埗有鋪，但一路都唔知係邊，今日終於俾我見番你啦，"祥興“我會記住你。叉燒睇落瘦瘦的，但一D都唔乾唔硬食落甜甜地, 肉嫩又滑油雞一D都唔肥, 又夠滑外賣飯通常都會又乾又硬, 但係呢到既白飯一D都唔硬加埋叉燒汁仲好好味配埋薑油同芽菜, 真係好正下一次會再過去食!!~~正呀

嗰日做完野搵地方食飯,就行入去我心思思的食店,外觀係一間普通燒臘店,我叫左燒肉火鴨飯,食第一啖d燒肉係非一般燒肉,皮脆肉嫩有肉汁,鴨都一樣,我見店內係自家制,可保持水準,價錢大眾化,食完會有心思思想食的感覺,店內係一間卧虎藏龍之地,燒臘高手,大家可以去試下佢的真功夫,

深水步燒臘店四圍都有，想找一間好味都看運氣，尼到價錢20幾就有一大碟，但內在環境太好，食完就好走拉，不適宜逗留。燒腩飯…掂，可以唔吃其他燒臘，但個燒腩一定要吃，個皮脆架，凍了都脆架，半肥瘦，加埋汁，滋味在心頭。

去開深水埗，好多時都會去哩度食燒味飯。首先，燒味飯一般都唔貴，又飽，又多肉少菜，啱男人食。哩度嘅燒味你話好好食咩？唔係。但真係好抵。一般雙拼好似係22，加5蚊就已經係鴨脾燒肉飯。仲有例湯。以前仲抵，有一碟仔芽菜送。E+都有芽菜，不過係連碟飯上。偷聽老闆講，佢地都做咗几幾三十年。唯一唔好嘅係，客仔經常有啲中坑食煙。老闆應該做啲嘢，今時今日食店之內真係唔應該俾人食煙。