第一郡

营业中

休息中

睇下你谂住食乜嘢去，如果想食正宗越南野可能会有D失望，但我无食软包，所以唔评论。只可以讲餐牌以主食较多， 主要系粉面同埋软包， 其他越南菜式就只有炸鸡翼同埋粉卷，两样我都有点， 炸鸡翼连少少香茅嘅味道都冇都唔知有乜越南特色， 份卷亦做得太大， 外皮亦太厚， 味道实在相当一般， 但唔算难食。粉面嚟讲就味道同配料亦相当本地化， 越南野都有米线，真系有啲唔明，点解连生牛河都冇， 份量就相当足够， 但食越南粉一定要有嘅辣椒粒同埋青柠就欠奉啦， 问店员， 佢话已经加晒落去啦㖞。 如果以一般茶餐厅嚟讲，佢哋饮品同埋软包价钱尚算合理，但粉面就有啲偏贵，但如果你系抱住食越南嘢嘅心态去就会有啲失望。