聚寶廚坊 (已結業)

聚宝厨坊(19/7) 星期二 晚上6:30特色：都系个句，近屋企，所以已经当左佢系饭堂，谂唔到食咩就谂起佢d鸡煲，方便又抵食。食物：今日得两个人食，所以只系叫个半只鸡煲餐，加支大啤，咁又一餐。鸡煲 - 鸡煲叫小辣，真系少少都唔辣，不过就啱晒同行者完全唔食得辣，d鸡就一定唔系雪藏鸡，因为食到佢斩鸡斩到有碎骨，味道正常，鸡亦都入味嫩滑。安格斯肥牛 - 正常，始终唔好预佢系咩高档野，但对得住个价钱，唔好渌太耐就唔会un。脆炸响铃卷 - 唔系自家制，都应该系正常街买到个d，建议系个鸡煲未加水之前，用佢个浓鸡煲汁渌嚟食就最正。蔬菜篮 - 正常生菜，无特别。饮品 - 饮品有普通汽水/啤酒之类，正常操作。环境：舖头唔算大，但平日夜晚时间都一定有位，有卡位或大枱，唔算太干净，但又未到反感，坐得都算舒服。服务：楼面态度好，尤其有个楼面哥哥，好有善又好倾，用好friendly既态度去对每一枱客。价钱：食个半只鸡煲餐加支啤酒埋单324，两个人份量啱啱好，都属终正常价钱。总结：如唔住附近，又唔系太高要求，又唔想同人迫去食返个正正常常既鸡煲，呢间都系一个几好既选择。