影片
更多
2020-12-06
760 浏览
早前被网上一连串排山倒海嘅网络宣传吸引，历山餐厅自家宣传影片、各大媒体的文字，短片推介，看后无不令人食指大动于eshop缴付全费预订更有85折早鸟优惠，真系手快有手慢无，趁著两姊妹生日，逐拍板订咗3/12维多利亚宫廷式圣诞盛典美馔自助晚餐，用餐时间为晚上6:30-10:30，成人85折后：成人$596.6 长者$511.1 小童$482.62/12历山酒店终于正式开幕3/12我和家人成为历山餐厅的坐上客期待期待晚上约5时50分抵达非常吸睛嘅Cafe A接待处，奇妙的晚上亦即将开始在没有事前通知下被安排到宴会厅，向职员表明要坐历山餐厅，获得回覆是已安排好坐位。Ok!咁即系唔会改!再向职员了解两边食物是否一样？职员回覆：一样。记住佢话一样㗎！在宴会厅坐了一会，谂住出去打吓咭，真系差d俾张长到拖晒地嘅枱布阴亲搅到PK大约6时15分看见全场只有一位太太在取食物，便询问职员A:未够钟点解会有人取食物？职员A往太太方向望一望：有冇人俾碟你？我：乜要人俾碟嘅咩？佢VIP嚟？扰攘咗一轮后职员B出现，我再问一次：自助餐未开始点解会有位太太取食物？职员B望一望位太太后：开始咗啦！我：未够6:30就开始？冇
2/12历山酒店终于正式开幕
3/12我和家人成为历山餐厅的坐上客期待期待
晚上约5时50分抵达非常吸睛嘅Cafe A接待处，奇妙的晚上亦即将开始
在没有事前通知下被安排到宴会厅，向职员表明要坐历山餐厅，获得回覆是已安排好坐位。Ok!咁即系唔会改!再向职员了解两边食物是否一样？职员回覆：一样。记住佢话一样㗎！
在宴会厅坐了一会，谂住出去打吓咭，真系差d俾张长到拖晒地嘅枱布阴亲搅到PK
大约6时15分看见全场只有一位太太在取食物，便询问职员A:未够钟点解会有人取食物？
职员A往太太方向望一望：有冇人俾碟你？
我：乜要人俾碟嘅咩？佢VIP嚟？
扰攘咗一轮后职员B出现，我再问一次：自助餐未开始点解会有位太太取食物？
职员B望一望位太太后：开始咗啦！
我：未够6:30就开始？冇人通知嘅？
职员B:系呀！开始咗。
咁我都唔客气，但好明显系未开始啰，食物仲陆续摆放紧，绕场一圈后，目测食物有：
即开生蚝、寿司、龙虾、翡翠螺、蟹脚、各式沙津、烟三文鱼、中西汤、烧味（叉烧/切鸡/烧鸭）、两款薄饼、鳗鱼乌冬、红酒烩牛面颊、煎虾、鲍片鹅掌、咖哩鸡、饭、辣汁青口、花枝兰花、腊肠菜芯、火鸡、牛、煎鸭肝、喇沙汤米、中式糖水、圣诞姜饼、白朱古力喷泉、热香饼、窝夫、棉花糖、圣诞朱古力树头蛋糕、大师雪糕（榛子朱古力/杂莓/红莓/曲奇朱古力）、贵花糕、生果（西瓜/火龙果/蜜瓜/菠萝）、刺身（划纸仔：三文鱼/吞拿鱼/带子/鲷鱼/红虾）⋯⋯⋯
哗！食物应有尽有，听到都想食⋯⋯睇到就唔想食（热荤）。自助餐刚刚开始食物已经唔热，系微温都冇，但未至冻，就像开完OT返屋企，亚妈留𠮶碟饭𩠌未翻热时。我要求唔高，但唔该你俾返少少温暖我吖！虽然系自助餐，但都不会只求饱肚。食物要做到色、香、味俱全，每环紧扣，决一都会被打折扣。打开食物盘盖已看得出已摆放一段时间，食物唔热就注定失败。
煎鸭肝总算是一道热食，但个心都系唔热，冇油香，妈妈为免浪费才KO晒，仲要系好似乞丐咁先有得食师傅煎紧7块鸭肝，当时只有一位小姐等候，我和妈妈便跟著排第二，三位，等到鸭肝煎好，排第一嘅小姐取了4块，我伸手去取第5块时，师傅递给刚走过来的太太，话佢之前order，心想仲有2块，所以都算数，谁不知师傅把余下2块鸭肝盛起并放于炉后面惊死我攞咗，仲话有人order咗。真系火滚我问师傅为什么我们排队时唔出声？唔问我们要几多件？可以转头嚟攞？妈妈说个人都未嚟叫师传俾我们先，师傅才勉强给我们！！
热嘅唔掂！寄望冷盘及甜品Sorry!龙虾仲有雪气、翡翠螺冇鲜甜味、食过最难食嘅棉花糖、似百宝胶嘅芝士蛋糕、dry过荷包嘅Tiramisu 、加盐加水嘅喇沙米粉
怎么宣传片重点之一，烤瑞士芝士不见了！找来高级职员了解后，获每人送上一片芝士饱（见图）。闻名不如见面，宣传片吹嘘到咁劲，又配薯仔，又酱汁，又即溶⋯⋯依家系唔溶喺饱，唔溶喺口。
牛肉7支骨也不见了！焗酥皮龙虾汤只是圣诞期间限定（24，25，26/12）！我和姐姐的生日饼等到9:00都冇踪影，要追问才跟进！
无聊走去Cafe A逛逛先知这边多嘢食D:xx牛柳、xx排骨、xx豚肉、四季豆、xx鸡、Tiramisu 、蓝莓芝士蛋糕、布朗尼⋯⋯等，就连个白朱古力喷泉都大个好多，先前讲好的”一样”呢即开生蚝、煎鸭肝、热香饼不用排长龙，辛苦晒宴会厅工作嘅师傅
同一间酒店，同一样的价钱，但系两个唔同的体验⋯⋯
张贴
