影片
更多
2024-12-02
122 浏览
今日同友人嚟咗依间喺尖沙咀诺士佛台嘅楼上西餐厅酒吧。个环境都几阔落，坐得几舒服，又唔会太嘈吵，啱晒同人倾偈食嘢饮酒。Carnival 真系好缤纷嘅一杯嘢饮，入边有Oreo饼、Kitkat朱古力同埋缤纷乐。酒底有baileys同whiskey, 好啱女仔饮。Dry Martini 落咗gin嘅dry martini 顺喉好饮，入面仲有三粒橄榄做点缀。白酒忌廉汁烩蚬 ($128)好有惊喜, 佢个忌廉汁好creamy同浓郁, 唔系水汪汪嘅Texture. 蚬肉大大粒, 好饱满, 而且数量都好多。佢入面仲有落埋洋葱粒、蒜片等。如果面包有多几片就好啦，个汁太正。西班牙海鲜拼盘 ($148)又系满满嘅惊喜。佢分别有唔同馅嘅法包，依次由淡到浓味咁食。先食三文鱼，再到希灵鱼子同鳀鱼。希灵鱼子比较少食到，口感特别。鳀鱼就比较重口味。中间仲有三只海螺，弹牙有鲜味。成个拼盘俾人一个好满足嘅感觉。澳洲龙虾龙虾汁扁意粉 ($298)龙虾汁扁意粉超入味，每啖意粉都好挂汁同埋食得出有龙虾嘅鲜味。龙虾肉已经拆好肉，啖啖肉又弹牙。连意粉入面嘅野菌都好有鲜味。
Carnival
真系好缤纷嘅一杯嘢饮，入边有Oreo饼、Kitkat朱古力同埋缤纷乐。酒底有baileys同whiskey, 好啱女仔饮。
Dry Martini
落咗gin嘅dry martini 顺喉好饮，入面仲有三粒橄榄做点缀。
白酒忌廉汁烩蚬 ($128)
好有惊喜, 佢个忌廉汁好creamy同浓郁, 唔系水汪汪嘅Texture. 蚬肉大大粒, 好饱满, 而且数量都好多。佢入面仲有落埋洋葱粒、蒜片等。如果面包有多几片就好啦，个汁太正。
西班牙海鲜拼盘 ($148)
又系满满嘅惊喜。佢分别有唔同馅嘅法包，依次由淡到浓味咁食。先食三文鱼，再到希灵鱼子同鳀鱼。希灵鱼子比较少食到，口感特别。鳀鱼就比较重口味。中间仲有三只海螺，弹牙有鲜味。成个拼盘俾人一个好满足嘅感觉。
澳洲龙虾龙虾汁扁意粉 ($298)
龙虾汁扁意粉超入味，每啖意粉都好挂汁同埋食得出有龙虾嘅鲜味。龙虾肉已经拆好肉，啖啖肉又弹牙。连意粉入面嘅野菌都好有鲜味。
张贴
