影片
更多
2024-11-29
108 浏览
睇韩剧成日见到男女主角收工后会去啲居酒屋饮酒食宵夜，浪漫之余仲好chill，今次我就突登系忙完一日后，同男朋友去诺士佛台试一间韩式居酒屋，完我呢个韩剧女主梦！一入到餐厅，就俾佢地既装修吸引到，成个氛围同布局都好有传统韩式居酒屋风格，佢地仲有几间榻榻米房，完全想像到同一班朋友黎呢到饮酒系几咁有feel~我地两个人胃口唔算大，今次嚟主要系想饮酒，所以净系叫左一个牛肠锅同埋一份饺子，点知份量超多，加上佢地个前菜款式又多又好食，最后食到两个人又饱又醉，超满足。前菜总共有6碟前菜，6款味道都好好，最钟意佢地个茄子同辣泡菜，食落鲜甜又辣辣地，非常开胃！食完仲可以叫佢地refill。牛肠牛肚锅 So Gop Chang Jun汤底好浓，牛肠同牛肚既味成功咁融入左而又无腥味，有少少辣去吊味。我男朋友唔太食内脏都同我争左一半嚟食。另外佢好足料，牛肠同牛肚劲多，加埋啲配菜、年糕同粉丝，四个人食都啱啱好。蒸饺子 Jjim Man Du饺子外皮好弹牙，入面啲馅好多汁，咬落去仲啖啖肉，我一个人食左4只都唔想停。柠檬梳打Highball居酒屋必有item。威士忌加梳打水易入口之余仲好爽，饮落去好似全日既压力一下子
我地两个人胃口唔算大，今次嚟主要系想饮酒，所以净系叫左一个牛肠锅同埋一份饺子，点知份量超多，加上佢地个前菜款式又多又好食，最后食到两个人又饱又醉，超满足。
前菜
总共有6碟前菜，6款味道都好好，最钟意佢地个茄子同辣泡菜，食落鲜甜又辣辣地，非常开胃！食完仲可以叫佢地refill。
牛肠牛肚锅 So Gop Chang Jun
汤底好浓，牛肠同牛肚既味成功咁融入左而又无腥味，有少少辣去吊味。我男朋友唔太食内脏都同我争左一半嚟食。另外佢好足料，牛肠同牛肚劲多，加埋啲配菜、年糕同粉丝，四个人食都啱啱好。
蒸饺子 Jjim Man Du
饺子外皮好弹牙，入面啲馅好多汁，咬落去仲啖啖肉，我一个人食左4只都唔想停。
柠檬梳打Highball
居酒屋必有item。威士忌加梳打水易入口之余仲好爽，饮落去好似全日既压力一下子gur走哂。
无糖烧酒Saero soju
饮落好顺滑，加上烧酒独有既天然清甜，好容易入口，酒量唔好既朋友记得唔好一下子饮太多～我地饮左两三杯就已经有微微醉意。
平时钟意同朋友饮杯chill下既你，记得去试下啦，佢地星期一至六都系由下午五点开到凌晨三点架～
张贴
