咕嚕咕嚕

营业中

休息中

放工黎到尖沙咀诺士佛台呢头chill一chill，见到呢间gulu gulu 个名几特别，就去试下。餐厅除左有酒饮之外，仲有各式主食、甜品、小食，仲有串烧添！ 1️⃣串烧组合（$138） 包括日本多春鱼、日本厚油扬、大葱鸭胸串、烟肉车厘茄串同埋秋葵。当中最钟意既系烟肉车厘茄，车厘茄酸酸甜甜，好好咁平衡到烟肉既油香同咸味～  2⃣️Set Dinner（$198） 👉布袋芝士伴车厘茄沙律 芝士好大一旧🧀️沙律有用醋调味，同埋芝士一齐食唔会太腻，系一个好好既开胃前菜👍  👉慢煮法式油封鸭脾配蓝莓烧汁（+$25） 鸭脾个皮好脆😳个皮脆得黎有少少皮下脂肪食到啲油脂感咇出黎🤤然后再食到入面既鸭肉。蓝莓烧汁几特别，烧汁既base感觉上再多啲果香。另外个鸭脾仲配上薯蓉，薯蓉系偏实既质感，感觉冇落太多忌廉或者奶，更加食到薯仔既味道。  👉炸鱼2件 好脆好脆！咬落真系会喀嚓声😂  3⃣️杜洛克猪梅肉蒜香榄油意粉（$90） 个意粉既猪肉份量都几多粒，味道系咸咸香香咁，都几惹味。